Ruuka 5:8 - Eriiraghano Eriihë

⁸ Hano Simiyooni arooche ghano gharweriire hayo, akahighama ambërë e Yesu, akamobhoorera akabhugha, “Oo Omutëmi, otiikara na neeni, gho kubha eni n‑omooto o masari neenyi!”

Ruuka 5:8 ပူးပေါင်းရင်းမြစ်များ

Mataayo 17:6

Hano abhaanabheegha bhaache ꞉bhooghwire ghayo, bhaghatiina chwee, bhaaghagho haase kebhuuma.

Mataayo 2:11

Mbe, bhaghasöha mo‑nyumba, bhakamorighi omoona haghirohamu na Mariyamu nyina waache, bhakiihiinya mbagha haase, bhakamusëngëra omoona uyo. Bhaghasaasura emerigho gheebho, bhakamoruuseri chaatuho che sahaabhu, ne ebheneeso na manemane.

Mataayo 8:8

Amare omokoro uyo akamobhoorera kubha, “Oo Omutëmi, nteekurëngʼaanera usöhë awaane. Amare noobhughe angʼana hangʼu, no omutamishi waane nakuhöra.

Ruuka 5:7

Gho ghayo, ekabhaköra bhahonge amabhökö ghaabho ighoro kobherekera abhaghëndi bhano ꞉bhaare mo‑bhwato obhonde kubha bhaache kobhatoori. Hano bhiichiri, bhaghiichori amaryato abhere chaasu, koru ghakëënda komeru.

Ruuka 5:9

Simiyooni ꞉naabhughiri amangʼana ghayo, gho kubha iwe na abhaghëndi bhaache, ꞉mbaahaghiri gho kubha ꞉mbaaweesiine chaasu chaaru chwee.

Yohana 11:32

Eriibhagha Mariyamu ꞉ahikiri hano Yesu are, akamorighi, akabhuna ebheru ambërë yaache, akamobhoorera akabhugha, “Oo Omutëmi, aribha ongabheere‑ho, omwito tangakuure.”

1 Abhakorinto 13:12

Kinya bhuno tookorighi ibheere, ntokorighi ebheghiro kinya bhekundekiiru ne eghetu, amare toramara ntokobherighi bhyose haheero. Ibheere nyeeche hasuuhu hangʼu, amare nekumara nimënyë ghoose bhoheene, kinya bhuno Eryobha reenyeche eni.

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.