Ruuka 5:30 - Eriiraghano Eriihë

³⁰ Eghaghëri Amabharisaayo na abheeghi bhaabho bha meghiro ghe Musa, bhakabhingʼunyerangʼunyera abhaanabheegha bha Yesu, bharabhugha, “Kana mokuraaghëra na kunyo haghirohamu na abhatöbhi bha righööti, na abhaköri bha masari?”

Ruuka 5:30 ပူးပေါင်းရင်းမြစ်များ

Mataayo 5:46

Aribha morasiigha bhano bhabhasiighiri abheene, mokubhöna bhwëra ke? Koru abhatöbhi bha righööti mbahaasiigha bhano bhabhasiighiri abheene!

Mataayo 9:11

Hano Amabharisaayo bharooche ghayo, bhakabhabhoorera abhaanabheegha bhaache bhayo bhakabhugha, “Kana Omweghi waanyu nakuraaghëra haghirohamu na abhatöbhi bha righööti na abhaköri bha masari?”

Maariko 2:16

Mbe, abheeghi bha meghiro bhano ꞉bhaare Amabharisaayo hano bhamorooche Yesu araraaghëra haghirohamu na abhatöbhi bha righööti na abhaköri bha masari, bhakabhabhoori abhaanabheegha bhaache bharabhugha, “Kana nakuraaghëra haghirohamu na abhatöbhi bha righööti na abhaköri bha masari?”

Maariko 7:3

Mo‑chaasiko chiyo, Amabharisaayo na Abhayahuuti bhoose bhataare bhararë egheghiro bhatishaabhiri amabhökö mbagha mo‑changokoro kinya ekwëndëru, kurëngʼaana na chatëëmö che bhiishakoro.

Maariko 9:16

Yesu akabhabhoori abhaanabheegha bhaache akabhugha, “Neke moghoshangʼaana nabho?”

Ruuka 18:11

“Omubharisaayo uyo akiimeerera, aghasabha Eryobha ghenkirinkiri arabhugha, ‘Oo Waryobha, ˆoghachömi, gho kubha eni nteenyi mobhe ke bhande bhano bhaghuköra amabhe, na bhano bhakuhöka abhaato ebheghiro na abhataari, hande koru kinya omutöbhi uno o righööti!

Ruuka 19:7

Abhaato bhoose, hano bharooche ghayo, bhaghasëëma kwingʼunyerangʼunyera, bharabhugha, “Kana ˆaghaye kuraaghëra mo‑mooto o masari!”

Ruuka 5:17

Orosiko rumu, Yesu naare areeghi abhaato. Ghate yaabho, mbaare‑mu Amabharisaayo na abheeghi bha meghiro. Abhaato bhayo ꞉mbaaruure mo‑bhyaro bhe Ghariraaya, na Yuteya, na mo‑moghya o Yerusareemu. Yesu naare no obhotoro bho Ryobha bho kuhöri.

Ruuka 5:21

Abheeghi bha meghiro na Amabharisaayo bhayo, hayo hayo bhaghasëëma kwingʼunyera mo‑metema gheebho bharabhugha, “N‑niwe uyo kana aghosiikëra amangʼana gha kwirëngʼaani ne Eryobha? Taanyi‑ho uno aghotora kwabhëra amasari gha mooto, n‑Eryobha eryene chiri niryo reghotora!”

Ruuka 7:34

Eni Omoona o Mooto ˆnekaacha, eni, neekurë ebhiinyakurë na kunyo adivaayi. Gho ghayo, inyu mokobhugha, ‘Mumööhi! Uno mohobhaaru, wiiki murëëbhi, n‑omusaani o bhatöbhi bha righööti, na bha masari!’

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

Amaköri gha Bhatomu 23:9

Niho haakabha ne eriireghe ikoro chwee ghate e bhakoro bhayo. Abheeghi abhamubha meghiro ghe tiini e Mabharisaayo, bhakiimeerera, bhaghashangʼaana bharabhugha, “Bhotaanyi‑ho bhobhe bhuno torooche kwo mooto uno. Hamwabhe n‑akörö, hamu marayika uno asiikiire nawe!”