Ruuka 4:6 - Eriiraghano Eriihë

⁶ Rekamobhoorera rekabhugha, “Neghokuha obhukangati bho bhino bhyose, haghirohamu no obhwame bhooche bhoose. Wiiki, gho kubha neenyi no obhotoro bho bhino bhyose, nëngënda komuha omooto wowoose uno nekwënda, nekomuha.

Ruuka 4:6 ပူးပေါင်းရင်းမြစ်များ

Ruuka 4:7

Ibheere, iye oriishereri ghunsëngëra, neghokuha bhyose bhino.”

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

2 Abhakorinto 11:14

Mo‑ghayo totaakoroghoora, gho kubha Erishambu eryene ndehiiköri kinya marayika o bhwero.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

1 Bheetero 1:24

Kinya Mandëkö Amatööbhiyu ghakobhugha, “Abhaato bhoose n‑kinya amanyaaki, no obhuchömu bhoobho n‑kinya ebhibhari bhe mo‑manyaaki. Amanyaaki ngahaanyaara ne ebhibhari mbehaagho,

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:2

Oghotyenyi ghuyo ngoore ghotuubhiine na angwe, amare amaghoro ghaache ngaare ghanga gha dubhu, no omonu waache noore onga o ka. Oghuchöka ghuyo ghookaha oghotyenyi changuru cheeche, ne eghetumbe keeche ghe ghitëmi no obhotoro bhwaru.

Obhohunyurëru 13:7

Ghoghiisherereru kurööna na abhatööbhiyu na kobhahicha. Ghokahaabhu obhotoro bho ghukangata abhaato bha matöngö ghoose, na bha abhahiiri bhoose na bha bhighambo bhyose na chaase choose.