Ruuka 4:41 - Eriiraghano Eriihë

⁴¹ Wiiki, Yesu akahëëbha emisambu mo‑bhaato bhaaru, gheghakuura gherabhugha, “Iye n‑Omoona o Ryobha onyi!” Ibheere Yesu aghaghehiinya na ghoghirëki ghetasiikëra wiiki gho kubha emisambu ghiyo ꞉ngiimënyiri kubha niwe Kirisito.

Ruuka 4:41 ပူးပေါင်းရင်းမြစ်များ

Mataayo 26:63

Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”

Mataayo 4:3

Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Mataayo 8:16

Eriibhagha re mughörööbha, bhakamurëëtëra Yesu abhaato bhaaru bhano ꞉bhaare bhaghööturu ne emisambu. Nawe aghaghihëëbha emisambu ghiire kwo ngʼana yaache. Wiiki, akabhahöri bhoose bhano ꞉bhaare abhabhabharu.

Mataayo 8:29

Mbe, ghaghaköra eriireghe gharabhugha, “Oo Omoona o Ryobha, neke okwënda ghokwito? Kana, wichiri hano ghotunyaaki eriibhagha riito rekeere?”

Mataayo 8:4

Akamara Yesu akamobhoorera akabhugha, “Mööhi, otabhoorera omooto wowoose angʼana ino! Amare, nooghi wiyërëkani mo‑muchaama na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Maariko 1:25

Yesu akawohiinya omusambu uyo akabhugha, “Okiri omonu waacho! Omoru omooto uno!”

Maariko 1:32

Orosiko ruyo omughörööbha, hano Eriikane resiriri, abhaato bha mo‑moghya o Kabherenawumu mbaare bharamurëëtëra Yesu abhabhabharu bhaaru, na bhano ꞉bhaare ne emisambu.

Maariko 1:34

Yesu akabhahöri abhaato bhano ꞉bhaare na amabhabharu haghare haghare. Wiiki, akaruusi emisambu myaru, amare taghiishereriiri emisambu ghosiikëra, gho kubha ꞉ngeemumënyiri kubha iwe n‑Omoona o Ryobha.

Maariko 3:11

Abhaato bhano ꞉bhaare ne emisambu hano bhamorooche, bhaakabha bharagho ambërë yaache na korera kwo riiraka ikoro chwee bharabhugha, “Iye n‑Omoona o Ryobha onyi!”

Ruuka 4:39

Ibheere akiimeerera haghuhe nawe, aghakehiinya ekihëënö kiyo. Hayo hayo akahöra, akabhooka aghasëëma kobhahökëri.

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yakobho 2:19

Kana iye nookumiri kubha ndeenyi‑ho Eryobha rimu? Hangʼu keenyi! Nuköriri bhoheene! Koru emisambu ghyose, ngeghokumi na ghosingisa kwo bhotiini!