Ruuka 4:16 - Eriiraghano Eriihë

¹⁶ Akamara, aghagharuka awaabho Nasareeti, mo‑kyaro kino ꞉arëriiru. Orosiko ro Riikane, aghasöha mo‑risinaghooghi, kinya are anariri. Akiimeerera asömë angʼana e Ryobha.

Ruuka 4:16 ပူးပေါင်းရင်းမြစ်များ

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Ruuka 2:39

Yusubhu na Mariyamu, hano ꞉bhaare bhamariri ghuköra ghoose ghano emeghiro ghe Mutëmi ghyëndiri, bhaghagharuka awaabho mo‑moghya o Nasareeti, mo‑mukööwa o Ghariraaya.

Ruuka 2:42

Ibheere, hano Yesu are omoona o meeka ikomi ne ebhere, bhaaghaye nawe iyo kurëngʼaana na asughara yaabho.

Ruuka 2:51

Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache.

Ruuka 4:15

Nawe naare areeghi abhaato mo‑masinaghooghi na abhaato bhoose, bhaakabha bharamutöghösi.

Ruuka 4:17

Akahaabhu eghitabhu ke murööti Isaaya, aghakehunyura, aghatabhara ahaghiro hano haandëkuru,

Ruuka 4:21

Akabhabhoorera akabhugha, “Amandëkö Amatööbhiyu ghano mooghwire reero ino, ngahikeriine mo‑matu ghaanyu.”

Ruuka 4:23

Akabhabhoorera akabhugha, “Mbe, wiiki mokomboorera ekirëngi kino, ‘Omughabho, wiihöri iye omwene.’ Wiiki mokobhugha, ‘Ebheroghooro bhino tooghwire uköriri mo‑moghya o Kabherenawumu, nobhikörë na hano mo‑kyaro keecho!’”

Yohana 18:20

Yesu akamugharokeri akabhugha, “Eriibhagha ryose neere nerasiikëra na abhaato haheero, neere nereeghi abhaato mo‑risinaghooghi na mo‑riigho re Risëngërö rino Abhayahuuti bhaaru bhahaatëmëërana‑mu. Ntyeghiri ameeghi ghaane gho kobhisa.

Amaköri gha Bhatomu 17:2

Bhawuro akabha arasöha mo‑risinaghooghi, kinya ere asughara yaache. Akabha arabhoorera abhaato koru mo‑Mandëkö Amatööbhiyu ighoro e Kirisito. ꞉Naaköriri hangʼu chaasiko choose che Riikane, gho chawiiki ishato,