Ruuka 3:8 - Eriiraghano Eriihë

⁸ Mbe, mukörë amaköri ghano ghakwërëki kubha, motuukuuniri amasari ghaanyu. Wiiki motabha moriituuri kubha, mokwabhëru gho kubha, inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana, koru mo‑mabhohe ghano!

Ruuka 3:8 ပူးပေါင်းရင်းမြစ်များ

Mataayo 21:43

“Gho ghayo, ˆnekabhabhoorera kubha, inyu motaaghusöha mo‑bhutëmi bho Ryobha, amare abhaato abhande nibho bhaghwisherereru ghusöha‑mu. Abhaato bhayo m‑bhano bhaghotora ghuköra bhoheene mo‑moghondo waache, kubha ghabhönëkë amakorobhese ghano ghakorichömëri Eryobha.

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Ruuka 13:25

Hano omwene aka aghwighara ekehita, inyu moghusaagha mwimeeriire anche, moghusëëma ghuköngʼööta ekehita na ghusabha morabhugha, ‘Oo Omutëmi, notwighorere.’ Amare nakobhagharokeri abhughe, ‘Ntebheeche inyu! Ntyeche hayi morweriire!’

Ruuka 13:26

“Inyu mokomugharokeri mobhughe, ‘Kana ꞉ntuuraghiire na kunyo haghirohamu na niiye! Wiiki niiye ꞉weeghiri mo‑bhyaro bhiito!’

Ruuka 14:9

Uno are abharaghiini inyu bhabhere, nakuucha ghokobhoorera, ‘Omotighere uno omweya waache.’ Hayo, nokorighi chaasoni chwee, gho kubha nooghuye ghwikara mo‑bhetumbe bhe nyuma.

Ruuka 19:40

Yesu akabhagharokeri akabhugha, “ˆNekabhabhoorera, aribha bhano bharakira, amabhohe ngaghuköra eriireghe!”

Ruuka 19:9

Yesu akamobhoorera akabhugha, “Reero ino, obhotoori ˆbhokahikera abhaato bha mo‑ka ino, gho kubha omooto uno nëërëkiri omwene kwo maköri ghaache kubha, n‑o mo‑rwibhoro ro Abhurahamu.

Ruuka 5:21

Abheeghi bha meghiro na Amabharisaayo bhayo, hayo hayo bhaghasëëma kwingʼunyera mo‑metema gheebho bharabhugha, “N‑niwe uyo kana aghosiikëra amangʼana gha kwirëngʼaani ne Eryobha? Taanyi‑ho uno aghotora kwabhëra amasari gha mooto, n‑Eryobha eryene chiri niryo reghotora!”

Yohana 8:33

Ibho bhakamobhoori bhakabhugha, “Itu n‑orwibhoro ro Abhurahamu toonyi. Totaamara tuköru no omooto wowoose kubha abhasësë. Ngwake okobhugha kubha itu ntookubha huuru?”

Yohana 8:39

Ibho bhakamugharokeri bhakabhugha, “Taata wiito n‑Abhurahamu.” Yesu akabhabhoorera akabhugha, “Erabha mahëënë n‑abhaana bha Abhurahamu moonyi, mongabheere moraköra ghano Abhurahamu are araköra.

Amaköri gha Bhatomu 26:20

Neghasëëma kweghi abhaato bha iyo Tamaasiko kubha, bhatuukuunere amasari ghaabho, bhiigharurere Eryobha. Bhabhe bharaköra amaköri machömu ghano ghakwërëki kubha mbatuukuuniri amasari ghaabho. Nekamara nekeeghi amangʼana ghayo ghayo mo‑bhaato bha Yerusareemu, na bha mukööwa o Yuteya, na mo‑bhaato bha matöngö.

Abharuumi 4:16

Kiyo nikyo gheghughëri eriiraghano re Ryobha riitëngʼërë obhokumi obhwene, gho kubha ndeghwitëngʼëra aghareeya yaache. Gho nchëra iyo, ghoose ghano bharaghiiru abhaato bhoose bha rwibhoro ro Abhurahamu, ghabhe gha hëënë, taanyi kwo Bhayahuuti abheene bhano bhakohikeerani emeghiro, amare koru kwo bhano bhakorekumi Eryobha kinya bhuno Abhurahamu aköriri. Abhurahamu n‑taata wiito itu bhoose bhano tokorekumi Eryobha.

Abharuumi 9:7

Taanyi kubha bhoose bhano ꞉bhiibhwiru na Abhurahamu n‑abhaana bhaache bha hëënë. Amare Eryobha ꞉ndeemuraghiri Abhurahamu kubha, “Kohetera kwo Isaka nokubhöna orwibhoro runo rokobherekeru ro roocho.”

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.