Ruuka 3:18 - Eriiraghano Eriihë

¹⁸ Kwo mangʼana ghayo maaru na ghande, Yohana naare arabhashaangʼi na kobhabhoorera abhaato bhayo, Angʼana Anchömu e Ryobha.

Ruuka 3:18 ပူးပေါင်းရင်းမြစ်များ

Ruuka 3:17

Iwe Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Ruuka 3:19

Achekumara, Yohana akamwitweka omukangati Herote, gho kubha ꞉naamwimokiri Herotiya, mka o mööbhö, akamokwira. Yohana akamohiinya kwo ngʼana iyo, na kwo mabhe ghoose ghano are araköra.

Yohana 1:15

Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 1:34

Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe Omoona o Ryobha.”

Amaköri gha Bhatomu 2:40

Bheetero akëëndërëra kobhabhoorera abhaato bhayo amangʼana aghande maaru gha kobhashaangʼi. Akabhakumereri arabhugha, “Musabhe Eryobha rebhatoori, retaacha kobhatenera ekiina haghirohamu na abhaato bha rwibhoro runo orobhe!”

Amaköri gha Bhatomu 20:2

Akabha araheta mo‑se iyo, arabhabhoorera Abhakirisito amangʼana maaru gha kobhatoora omukörö. Akamara aghaye mo‑se e Bhoyunaani,

Abharuumi 12:8

Omooto uno ahaabhuru ekihaano ghe ghughambisani bhaghëndi bhaache, akörë hangʼu. Omooto uno ahaabhuru ekihaano ghe ghusambaarukera abhaato, abhasambaarukere kwo mukörö mwero. Omooto uno ahaabhuru ekihaano ghe ghukangata, akangate gho ghwiköngʼi chwee. Wiiki omooto uno ahaabhuru ekihaano ke bheghongi, abharigheri ebheghongi abhaato gho ghuchömëru.