Ruuka 3:11 - Eriiraghano Eriihë

¹¹ Akabhagharokeri akabhugha, “Uno anyi na amaghööti abhere, aruusi rimu amuhë uno ataghöötë, wiiki uno anyi ne ebhiinyakurë, woose akörë hangʼu hangʼu.”

Ruuka 3:11 ပူးပေါင်းရင်းမြစ်များ

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Ruuka 11:41

Mbe, mobhakörërë amachömu abhahabhe kwo metema gheenyu ghyose, niho bhyose bheekubha bhemusuru gho ghiri yaanyu.

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Ruuka 19:8

Amare, Sakaayo akiimeerera, akamobhoorera Omutëmi akabhugha, “Oo Omutëmi, mööhi! Ibheere, eribhaara re bheghiro bheene nekobhaha abhahabhe. Wiiki aribha nemuhökiri omooto wowoose egheghiro keeche, nekomugharokeri mara kane.”

Yohana 13:29

Abhamu ꞉mbiituuriri kubha Yesu namobhooriire kubha, aghore bhino bhekwëndëru mo‑nyangi, hamu abhahë abhahabhe chambiiri indengʼaaneru, gho kubha Yuuta niwe are omotindeki o riighöchi re chambiiri.

Amaköri gha Bhatomu 10:2

Naare arasëngëra Eryobha, na araresooka, haghirohamu na abhaato bhoose bha mo‑ka yaache. Naare arasabha Eryobha eriibhagha ryose. Haghirohamu na ghayo, naare arabhatoori chwee Abhayahuuti bhano ꞉bhaare abhahabhe.

Amaköri gha Bhatomu 10:31

Akamboorera akabhugha, ‘Korineeriyo, Eryobha ndyoghwire amasabhi ghaacho, nderooche kinya oghusakeri abhahabhe.

Amaköri gha Bhatomu 10:4

Korineeriyo akamumööhërëri marayika uyo kwo bhotiini, akamobhoori akabhugha, “Omutëmi, neke ˆghekabhönëka?” Marayika uyo akamugharokeri akabhugha, “Eryobha ndyoghwire amasabhi ghaacho, na nderooche kebhuno oghusakeri abhahabhe. Ghayo ghoose, Eryobha ndeghokohiita iyo Mwishaaro.

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

Yakobho 2:14

Abhahiiri bhaane, haanyi no obhwëra ke kwo mooto uno aghwighamba kubha naanyi no obhokumi amare ataanyi na amaköri amachömu? Kwo bhuhëënë obhokumi bhooche bhotaaghotora komotoori.

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.