Ruuka 3:1 - Eriiraghano Eriihë

¹ Neere omooka wi ikomi na ghataano o bhukangati bhooche Kayisaari Tibheeriyo o Bharuumi. Eriibhagha riyo Bhontiyo Bhiraato, naare omukangati mo‑mukööwa o Yuteya, na Herote Antibha, naare omukangati mo‑mukööwa o Ghariraaya. Bhiiribho nawe, ömööbhö Herote, naare omukangati mo‑mukööwa o Itureya, na Tirakoniti. Wiiki Riisaniya, naare omukangati mo‑mukööwa o Abhireene.

Ruuka 3:1 ပူးပေါင်းရင်းမြစ်များ

Mataayo 14:1

Eriibhagha riire, omutëmi Herote Antibha are omukangati o Ghariraaya, ꞉nooghwire amangʼana ghano Yesu are araköra.

Mataayo 14:3

Herote ꞉naasiikiire hangʼu gho kubha naare amughöötiri Yohana, akamubhöha, akamotoora mwighërëcha. ꞉Naamubhöhiri gho ghiri e kobhugha amangʼana ighoro Herotiya, uno ekimbërë are omukari o Bhiiribho, omonyi waache,

Mataayo 14:6

Hano rohikiri orosiko ro kohiita kwibhoru kooche Herote, omuukë o Herotiya akabhina ambërë e bhaghëni, akamotegheri Herote chwee.

Mataayo 22:17

Mbe, notobhoorere kebhuno okorighi. Kana, emeghiro ngeghotwisherereri koreha righööti gho Kayisaari ghasi tiyaanyi?”

Mataayo 27:2

Niho bhakamubhöha, bhakamwimoki, bhaaghaye nawe mo‑mukangati o se yaabho, Omoruumi uno are arabherekeru Bhiraato.

Maariko 6:17

Hayo ekimbërë Herote Antibha omwene naare ahatëkiri Yohana aghöötu, akamubhöha mwighërëcha. Herote naköriri hangʼu, gho ghiri e Herotiya muka Bhiiribho, uno Herote akwiriri nangabha are omukari o mööbhö.

Maariko 6:21

Eriibhagha rekaheta, no orosiko rumu Herotiya ꞉naabhwine anchëra e komwita Yohana. Orosiko ro kwibhoru Herote Antibha, akabhaghënëhi abhagharuka bha riibharacha reeche, na abhakoro bha bhaashirikare, na abhakangati bha mukööwa o Ghariraaya.

Ruuka 13:31

Eriibhagha riyo riyo, Amabharisaayo abhande ꞉mbaamutambiine Yesu bhakamobhoorera bhakabhugha, “Nooru hano, oghi ahaghiro ahande, gho kubha Herote Antibha nakwënda ghoghwita.”

Ruuka 2:1

Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka.

Ruuka 23:24

Ibheere, Bhiraato akabhiisherereri Abhayahuuti bhayo ghuköra kinya bhakwënda.

Ruuka 3:19

Achekumara, Yohana akamwitweka omukangati Herote, gho kubha ꞉naamwimokiri Herotiya, mka o mööbhö, akamokwira. Yohana akamohiinya kwo ngʼana iyo, na kwo mabhe ghoose ghano are araköra.

Ruuka 9:7

Ghoose ghano Yesu are araköra, omukangati Herote Antibha naare arooghu amangʼana ghaache. Ibheere ghakamuköra aghatiina, gho kubha, abhaato abhande mbaare bharabhugha kubha, Yesu niwe Yohana uno aryokiri koru mo‑bhaku.

Amaköri gha Bhatomu 23:26

“Iye omosooku omukangati Bheriki, eni Kirawutiyo Risiya neghoghukëëri.

Amaköri gha Bhatomu 24:27

Hano ghehetiri emeeka ebhere, Bhorikiyo Bheesito akiimoki omweya o Bheriki. Na gho kubha Bheriki naare arëënda ichömi kwo Bhayahuuti, eghaghëri amotighe Bhawuro mwighërëcha.

Amaköri gha Bhatomu 26:30

Niho omutëmi haghirohamu no omukangati Bheesito na Bheerinike, na abhande bhano ꞉bhaare bhiikeere hayo bhakiimeerera, bhaghatanura.

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.