Ruuka 2:9 - Eriiraghano Eriihë

⁹ Hayo hayo, bhakarweru na marayika umu o Mutëmi. Emirëngaari ghe bhokumi obhokoro bho Mutëmi ghekabharëngaari chambaara choose, bhaghatiina chwee.

Ruuka 2:9 ပူးပေါင်းရင်းမြစ်များ

Mataayo 1:20

Eriibhagha Yusubhu are ariihëëbha ghayo, mööhi marayika o Mutëmi akamorwera mo‑riröötö, akamobhoorera akabhugha, “Yusubhu, omoona o Tawuti, otatiina komokwira Mariyamu, gho kubha anda yaache nayebhwine kwo bhotoro bho Körö Ahörëëru.

Ruuka 1:28

Marayika uyo aghaye o‑Mariyamu, akamobhoorera akabhugha, “Neghoghukëëri, iye uno witabhiiru chwee! Omutëmi naanyi haghirohamu na niiye.”

Ruuka 2:8

Haghuhe no omoghya uyo, mbaare‑ho abhariishi ꞉bhaare bharachonga chaatugho cheebho obhotiko.

Ruuka 24:4

Eriibhagha ꞉bhaare bhakeere bhahahiri ighoro e ghayo, hayo hayo abhaato bhabhere bhakiimeerera haghuhe nabho, bhabheekiri amaghööti gha kubharibhari meero chayi.

Yohana 12:41

Isaaya ꞉naabhughiri ghayo gho kubha ꞉naarooche gho kurë obhokumi obhokoro bho Yesu na kobhugha amangʼana ghaache.

Amaköri gha Bhatomu 12:7

Hayo hayo marayika o Mutëmi akiimeerera mo‑kenyumba kino Bheetero are. Obhwero bhokarëngaari mo‑kenyumba kyose. Marayika uyo akamtëmatëma Bheetero mo‑chambaru akamobhooki, akamobhoorera, “Bhooka bhwango!” Hayo hayo eminyörörö ghino ꞉bhaare bhamubhöhiri Bheetero mo‑mabhökö gheeghagho haase.

Amaköri gha Bhatomu 27:23

“Nyeeche hangʼu gho kubha, eni n‑omooto o Ryobha neenyi, wiiki n‑omutamishi waache neenyi. Obhotiko bho kobhookera reero marayika umu o Ryobha nandweriire imeeriire rubhareka roone,

Amaköri gha Bhatomu 5:19

Mbe, obhotiko bhuyo marayika umu o Mutëmi aghiighora charwighe che riighërëcha riyo, akabhahoroki anche, akabhabhoorera akabhugha,

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 12:21

Ghoose ghano ꞉ngaarweriire mo‑gheghoro ghe Sinaayi ghakabhatiini chwee abhaato koru Musa akabhugha, “ˆNeghasingisa chwee gho kubha neenyi na ahaho inkoro.”

Obhohunyurëru 18:1

Hano ghayo ghahetiri, nekarëkëra amiisho nekarighi marayika owonde ariika koru Mwishaaro. Naare no obhotoro bhokoro, no obhokumi bhooche obhokoro bhokarëngaari ase yoose.

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.