Ruuka 2:47 - Eriiraghano Eriihë

⁴⁷ Abhaato bhoose hano bhooghwire kebhuno are arabhugha, bhakahagha chwee ighoro e miihëëbhö ghaache na amagharokeri ghaache.

Ruuka 2:47 ပူးပေါင်းရင်းမြစ်များ

Mataayo 13:54

Hano ahikiri mo‑moghya o waabho, aghasëëma kobheeghi abhaato mo‑risinaghooghi reebho. Abhaato bhayo bhakaroghoora na kobhoorani bharabhugha, “Omooto uno hayi abhwine amangʼiini ghano no obhotoro bho ghuköra ebheroghooro bhino?

Mataayo 22:33

Hano amakinda gha bhaato ghooghwire ghayo, bhakaroghoora chwee kwo meeghi ghaache.

Mataayo 7:28

Hano Yesu amariri ghosiikëra amangʼana ghayo, obhoyo bhuure bho bhaato bhokaroghoora chwee kwo meeghi ghaache.

Maariko 1:22

Abhaato bhoose bhano ꞉bhaare bharamutëghëërëra, bhakaroghoorera ameeghi ghaache. ꞉Ngaaroghooriri gho kubha ameeghi ghaache ghataare kinya gha bheeghi bhaabho bha meghiro, amare ꞉neeghiri kinya omooto uno anyi no obhotoro.

Maariko 11:18

Hano abhakoro bha bhachaama na abheeghi bha meghiro bhooghwire ghayo, bhaghasëëma ghutabhara anchëra e komwita, gho kubha, mbaare bharamotiina, abhaato bhoose mbaare bhararoghooru na ameeghi ghaache.

Maariko 6:2

Hano orosiko ro Riikane rohikiri, aghasëëma kweghi mo‑risinaghooghi. Abhaato bhaaru bhano ꞉bhaamooghwire bhakahagha chwee. Mbaare bharabhoorani bharabhugha, “Aa! Omooto uno hayi abhwine ghano ghoose? Wiiki, n‑amangʼiini ke ghano ahaabhuru uno? Hayi abhwine changuru che ghuköra ebheroghooro bhekoro kinya bhiyo?

Ruuka 2:18

Abhaato bhoose hano bhooghwire amangʼana ghano bhabhooriiru na abhariishi bhayo, bhakahagha chwee.

Ruuka 2:46

Orosiko ro ghatato, bhakamubhöna Mwisëngërö, ikeere ghateghate e bheeghi. Naare arabhatëghëërëra, arabhabhoori amabhoori.

Ruuka 4:22

Yesu hano abhabhooriire amangʼana ghayo gha ghareeya, ghaghaghëri abhaato bhoose komughamba bhoheene. Bhakaroghoora chwee, bhaghasëëma kobhoorani, “Kana uno, taanyi omoona o Yusubhu?”

Ruuka 4:32

Ameeghi ghaache, ghakabharoghoori chwee, gho kubha ngaare no obhotoro.

Yohana 7:15

Mbe, abhakangati bha Bhayahuuti bhakahagha na ghusëëma kobhoorani bharabhugha, “Kana, omooto uno nibhu aghotora kumënya ghoose ghano nawe tasömiri?”

Yohana 7:46

Abhaashirikare bhaare bhaghagharokeri bhakabhugha, “Totaamara tooghu omooto arasiikëra kinya omooto wuure.”