Ruuka 18:7 - Eriiraghano Eriihë

⁷ Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

Ruuka 18:7 ပူးပေါင်းရင်းမြစ်များ

2 Bheetero 3:9

Abhaato abhande mbaghwituuri kubha Omutëmi Waryobha naghukëëchëra kohikeerani ghaare ꞉araghiri, amare taaghukëëchëra. Amare iwe naghwiköngʼëërëri gho ghiri yaanyu, gho kubha taakwënda kubha, omooto koru umu ache abhore. Kino akwënda n‑kubha bhoose bhatuukuunere amasari ghaabho.

Ruuka 11:13

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha Akörö Ahörëëru bhano bhakomusabha!”

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

Obhohunyurëru 6:10

Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”

2 Abhatesaronike 1:6

Eryobha ndeghuköra gha hëënë, ndekobhareha anyaako bhano bhakobhanyaaki inyu,

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

Mataayo 7:11

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha ebhichömu bhoose bhano bhakomusabha!

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

1 Abhatesaronike 3:10

Obhotiko na omwishe ntokorisabha Eryobha gho ghwiköngʼi chwee, kubha totore korighani na niinyu, na ghuköra ghano mosuuhiiru ighoro e bhokumi bhoonyu.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abharuumi 8:33

N‑niwe uno aghotora ghusëma abhaahöru bha Ryobha? Taanyi‑ho, gho kubha Eryobha eryene niryo rebhabhariire kubha m‑bha hëënë.

Obhohunyurëru 7:15

Nikyo bhaanyi ambërë e ghetumbe ghe ghitëmi ke Ryobha. Mbakomuhökëri obhotiko no omwishe Mwisëngërö reeche. Naryo Eryobha rino riikeere mo‑ghetumbe keeche ghe ghitëmi, ndeekubha haghirohamu nabho na kobhachonga.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

2 Timotewo 1:3

Nekoriitabheri Eryobha gho ghiri yaacho eriibhagha neghokohiita mo‑masabhi ghaane obhotiko no omwishe, na nekorihökëri kwo mënda meero, kinya bhasookoro bhaane ꞉bhaarihökiiri.

Mataayo 24:22

Aribha Eryobha retangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, Eryobha ndeghochiköra chibhe inguhe chaasiko chiyo.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Ruuka 21:28

Mbe, amangʼana ghayo hano ghaghusëëmu ghuköru, mwimeerere muköngʼëri, mwitoore omukörö, gho kubha eriibhagha re ghotingoribhu koonyu, ˆreghatingʼi!”

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

1 Bheetero 1:1

Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.