Ruuka 17:1 - Eriiraghano Eriihë

¹ Yesu akabhabhoorera abhaanabheegha bhaache akabhugha, “Amasaki ghano ghaghughëri abhaato bhakörë amasari, ngaakubha‑ho chaasiko choose. Amare, horeera nakorighi omooto uno aghogharëëta!

Ruuka 17:1 ပူးပေါင်းရင်းမြစ်များ

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Ruuka 16:31

Abhurahamu akamugharokeri akabhugha, ‘Bhaömöönyu bhayo, aribha bhataaghotereera ghano ghaandëkuru na Musa na abharööti, bhataaghotereera koru aribha omooto angaryoka koru mo‑bhaku.’”

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 11:19

Koheteerana ghate yaanyu ngokwëndëru kubhe‑ho, kubha bhano bhaanyi abhahëënë ghate yaanyu bhamënyu.

1 Abhakorinto 8:13

Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.