Ruuka 15:7 - Eriiraghano Eriihë

⁷ “ˆNekabhabhoorera, hangʼu hangʼu ngookubha na ghuchömëru kwaru Mwishaaro, eriibhagha omooto umu o masari aratuukuunera amasari ghaache. Ghuchömëru kuyo, ngookubha ghokoro ghokera kuure kwo bhaato abhachömu miröngö kende na kende, bhano bhataanyi na amënda gha ghotuukuuna.

Ruuka 15:7 ပူးပေါင်းရင်းမြစ်များ

Ruuka 5:32

Eni ntiichiri kobhabherekera bhano bhakwirighi kubha, m-bhahëënë ambërë e Ryobha. Amare niichiri kobhabherekera bhano bhaanyi na amasari, kubha bhatuukuune.”

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Mataayo 18:13

Mahëënë ˆnekabhabhoorera, arayibhöna, naghuchömëru chwee gho ghiri e ngʼöndu yiire imu, ghokera changʼöndu chiire miröngö kende na kende chino chetaare chebhoriri.

Abharuumi 7:9

Kwo riibhagha rino neere nekeere kumënya emeghiro, ꞉niimanyiri kinya bhuno nyëndiri. Amare hano nimënyiri emeghiro, amasari ghakabhöna changuru chwee moose yaane na ghakarëëta oroko.

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Ruuka 15:29

Amare, omobhureni uyo akamugharokeri akabhugha, ‘Tëghëërëra taata! Emeeka myaru, nibheere nerakuhökëri, wiiki ntiimara ntigha ghoghosooka naabha! Amare, tuumara wuuha koru akabhori, kubha nikörë obhughëni haghirohamu na bhasaani bhaane.

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

Ruuka 15:6

na koyirëëta aka. Hano akohika nakobhabherekera abhasaani bhaache na abhaatani, na kobhabhoorera, ‘Ntosiighesiighe haghirohamu, gho kubha angʼöndu yaane, ino ere ebhoriri, neyebhwine!’

Ruuka 15:8

“Ibheere, mutëghëërërë eghetuubhaani ekende, tobhughe omukari umu naanyi na chambiiri ikomi che riighori ikoro, na arabhori imu. Tigha naghughööti oromore, na ghutareki anyumba yoose, arayitabhara gho changuru mbagha ayibhönë?