Ruuka 11:41 - Eriiraghano Eriihë

⁴¹ Mbe, mobhakörërë amachömu abhahabhe kwo metema gheenyu ghyose, niho bhyose bheekubha bhemusuru gho ghiri yaanyu.

Ruuka 11:41 ပူးပေါင်းရင်းမြစ်များ

Mataayo 26:11

Abhahabhe mbaanyi haghirohamu na niinyu chaasiko choose, amare eni nteekubha haghirohamu na niinyu eriibhagha ryose.

Mataayo 5:42

Omooto wowoose araghusabha egheghiro, omuhë. Wiiki omooto araghusabha asiire omuhë, otamwima.

Maariko 7:19

Ekiinyakurë kino omooto akurë ghetahaayi mo‑körö yaache, nkehaasöha mo‑nda, keramara kehoroka anche e mobhere waache.” Gho kobhugha hangʼu, Yesu ꞉nëërëkiri kubha, ebhiinyakurë bhyose mbiishereriiru koreebhu.

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Ruuka 16:9

Eni ˆnekabhabhoorera, muhökëri ebheghiro bheenyu mo‑se ino mwibhönërë abhasaani mo‑bhutëmi bho Ryobha, kubha eriibhagha moghosireru ebheghiro, bhabhaghënëhi mo‑bhwikari bho miishe ghyose.”

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Ruuka 19:8

Amare, Sakaayo akiimeerera, akamobhoorera Omutëmi akabhugha, “Oo Omutëmi, mööhi! Ibheere, eribhaara re bheghiro bheene nekobhaha abhahabhe. Wiiki aribha nemuhökiri omooto wowoose egheghiro keeche, nekomugharokeri mara kane.”

Amaköri gha Bhatomu 10:15

Eriiraka riyo reramobhoorera wiiki, “Otabhebherekera ebheghiro bhino Eryobha remusiri, kubha m‑bheghonchu.”

Amaköri gha Bhatomu 11:29

Kurëngʼaana no obhurööti bhuyo, abhaghëndi bhaghiishererani omooto woose, kurëngʼaana no obhotoro bhooche, aruusi ghyokyose gho ghiri e Bhakirisito abhaghëndi bhaabho bhano bhamanyiri mo‑mukööwa o Yuteya.

Amaköri gha Bhatomu 24:17

“Mbe, ghiiche koheta emeeka myaru neghagharuka Yerusareemu, gho ghiri nebharëëtërë abhahabhe bha ritöngö reene ebheghiro bhe kobhatoori, na koruusi amaruusi kwo Waryobha.

2 Abhakorinto 8:12

Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

Tiito 1:15

Abhaato bhayo mbakweghi kubha, mbeenyi‑ho ebheghiro bheghonchu. Amare eni nebhugha kubha, mo‑bhaato bhano bhaanyi na akörö yeero ambërë e Ryobha, ebheghiro bhyose mbemusuru. Abhaato abhaghonchu na bhano bhataanyi abhakumi, ebheghiro bhyose m‑bheghonchu, gho kubha amiihëëbhö ghaabho na amënda ghaabho, ngiichwire obhoghonchu.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.