Ruuka 10:2 - Eriiraghano Eriihë

² Yesu akabhabhoorera akabhugha, “Omunöghö m‑mwaru chwee, amare abhaghësi m‑bhasuuhu. Ibheere, musabhe omwene omoghondo, atome abhaghësi abhande mo‑moghondo waache.

Ruuka 10:2 ပူးပေါင်းရင်းမြစ်များ

Mataayo 20:1

Yesu akaruusi eghetuubhaani akabhugha, “Obhutëmi bho Mwishaaro mbotuubhiine no omooto uno anyi no omoghondo, uno ꞉ahorokiri anche hakeere kobhatabhara abhatamishi bha ghuköra emeremo mo‑moghondo waache o misabhiibhu.

Maariko 13:34

“Kuucha kooche ngotuubhiine no omooto uno aghuköra orughëndö. Akabha abhatighiri abhasësë bhaache bhamumööhëri aka yaache bhoheene. Akabhahööhi mooto woose omoremo o ghuköra. Akamara omochongi o mo‑kehita akamuraghereri akabhugha, atenge.”

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Maariko 16:20

Abhaanabheegha bhaache bhaare bhaghatanura hayo, bhaaghaye kuraghani Angʼana Anchömu haghiro hoose, ino Omutëmi Yesu naare arabhaha changuru che ghuköra ebhyërëkërëri. Hangʼu nibhu are arahëënëhi amangʼana ghayo kubha n‑gha hëënë.]

Ruuka 9:1

Orosiko rumu Yesu akabhabherekera abhatomu bhaache ikomi na bhabhere. Akabhaha obhotoro bho kuhëëbha emisambu ghyose koru mo‑bhaato, no obhotoro bho kuhöri amabhabharu ghoose.

Amaköri gha Bhatomu 11:19

Abhakumi bhano bhasanchiri gho kunyaakibhu kurëngʼaana na ghwitu gho Siteebhano, bhakangʼösëra mo‑chaase che Bhoyinike, na Kiibhuro, na mo‑moghya o Antiyokiya. Hoose hano bhaghiire, bhaakabha bhareeghi angʼana e Ryobha kwo Bhayahuuti abheene.

Amaköri gha Bhatomu 13:2

Hano bhaare bharasëngëra Omutëmi na kwiyima ebhiinyakurë, Akörö Ahörëëru ekabhabhoorera ekabhugha, “Monyaahurere Bharinaabha na Sawuri mo‑meremo ghino nebhabherekeriire.”

Amaköri gha Bhatomu 13:4

Mbe, Bharinaabha na Sawuri hano bhaare bhamariri ghotomu na Akörö Ahörëëru, bhaaghaye mo‑moghya o Serewukiya. Hano bharuure hayo bhaghaköra orughëndö no obhwato ghuye mo‑gheghinga re Kiibhuro.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Amaköri gha Bhatomu 22:21

Nawe Omutëmi aghangarokeri, ‘Nooghi, gho kubha neghoghotoma oghi kurë mo‑bhaato bha matöngö.’”

Amaköri gha Bhatomu 8:4

Abhaghëndi bha Yesu bhano ꞉bhaasanchiri, bhaakabha bhareeghi abhaato Angʼana Anchömu e Yesu haghiro hoose hano bhaghiire.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

Abhabhiribhi 2:25

Ibheere nerighi m‑bhoheene komotoma bhowaanyu omokumi mughëndi waane Ebhabhurotiito, omuhöki o meremo ghe Ryobha haghirohamu na neeni, no omoshirikare mughëndi waane gho kuröönëra Angʼana Anchömu. Wiiki niwe ꞉mootomiri ghokoone ghontoori na kunyaakera mo‑bheghiro bhino ꞉neesuuhiiru.

Abhabhiribhi 2:30

gho kubha ꞉naatingʼiri ghoku gho ghiri e meremo ghe Kirisito. Wiiki ꞉naatingʼiri kwirëëtëra atabhaaribhaari mo‑bhuhöru bhooche kubha ahiki obhotoorereri bhuno inyu motaatoriri kobhohiki ghokoone gho kubha n‑kurë neere na niinyu.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

1 Abhatesaronike 5:12

Ibheere bhahiiri bhiito, ntokobhasabha mobhasooke bhano bhakobhatoori inyu, na kobhakangata kwo bhukangati bho Mutëmi Yesu na kobhatöngëra.

2 Abhatesaronike 3:1

Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

Bhiremooni 1:1

Eni Bhawuro, omubhöhu gho ghiri e kuraghani Angʼana Anchömu ighoro e Kirisito Yesu, ˆneghakwandëkëra iye Bhiremooni. Eni haghirohamu no omohiiri wiito Timotewo, ntoghoghukëëri iye omosiighani wiito, uno onyi omutamishi mughëndi wiito.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Obhohunyurëru 2:1

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Ebheeso, no omobhoorere obhughe, ‘Eni neenyi na chanchöta chiire mohungate mo‑kubhökö koone gho kwiro, eni nehaaghënda ghateghate e ebheghiro bhiire mohungate bhe sahaabhu bhe ghotoorera‑mu ebhemore. Mutëghëërërë ghano nekobhabhoorera!