Ruuka 1:32 - Eriiraghano Eriihë

³² Naakubha omokoro, nakobherekeru Omoona o Ryobha omokoro o bhyose. Omutëmi Waryobha, nakomuköra abhe Omutëmi omokoro, kinya ishakoro Tawuti are.

Ruuka 1:32 ပူးပေါင်းရင်းမြစ်များ

Mataayo 1:1

Ghano nigho amariina gha rwibhoro ro Yesu Kirisito uno arweriire mo‑rwibhoro ro mutëmi Tawuti o mo‑rwibhoro ro Abhurahamu.

Mataayo 12:42

Orosiko ro ghoteneru ekiina, marikiya o ribhaara re bhachuuta nakwimeerera na kobhatenera ekiina abhaato bha rwibhoro runo. Neekubha hangʼu gho kubha iwe ꞉naaruure mo‑se e kurë kubha ache ghutëghëërëra amangʼiini gha mutëmi Seremaani. Mutëghëërërë, hano haanyi no omokoro ghokera Seremaani!”

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Maariko 14:61

Amare Yesu aghakira, tagharokiiri angʼana yoyoose. Omuchaama Omokoro akëëndërëra komobhoori kubha, “Kana, iye niiye Kirisito, Omoona o Ryobha uno aghoghongibhu?”

Maariko 5:7

Aghaköra eriireghe kwo riiraka ikoro arabhugha, “Neke okwënda ghokoone, iye Yesu Omoona o Ryobha Omokoro o Bhyose? ˆNeghakoriishi ariingʼa kwo riina re Ryobha, otanyaaki!”

Ruuka 1:15

gho kubha omoona uyo naakubha omokoro ambërë e Mutëmi. Omoona uyo ataacha kunyo amaro ghoghoose ghaare. Korwera mo‑nda e nyina, naakubha ichoriibhu Akörö Ahörëëru.

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Ruuka 1:76

Oo omoona waane, nookubha orabherekeru kubha omurööti o Ryobha, Omokoro o Bhyose, gho kubha, nokomukangata Omutëmi Waryobha, gho ghiri abhönë abhaato bhamariri ghusëëmibhu gho kuucha kooche.

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

Yohana 12:34

Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Amaköri gha Bhatomu 16:17

Ibheere omuukë uyo, akabha aramutambana Bhawuro na niitu, ino araköra eriireghe arabhugha, “Abhaato bhano n‑abhatamishi bha Ryobha Omokoro o Bhyose. Mbakobharaghaneri inyu anchëra e ghotooribhu.”

Amaköri gha Bhatomu 2:30

Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Amaköri gha Bhatomu 7:48

“Koru hangʼu, Eryobha rino reenyi Omokoro o Bhyose, retaaghotora kumanya mo‑nyumba ino yabhëkuru na abhaato. Kinya bhuure omurööti abhughiri,

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.