Obhohunyurëru 9:20 - Eriiraghano Eriihë

²⁰ Abhaato bhano bhataakuure gho chanaabhi chino ꞉cheebhabhwine abhaghëndi bhaabho, bhataatuukuuniire amabhe ghaabho. ꞉Mbëëndëriire ghusëngëra emisambu na chasanaamu chino ꞉bhaaköriri abheene gho sahaabhu, na chambiiri, na ashabha, na amabhohe, ne emete. Chasanaamu chiyo chetaare cherarighi, koru kooghu, koru ghughënda.

Obhohunyurëru 9:20 ပူးပေါင်းရင်းမြစ်များ

Mataayo 21:32

Yohana ꞉niichiri ghokoonyu kubha abhëërëki anchëra e bhuhëënë, na niinyu motaamokumiri. Amare abhatöbhi bha righööti na bhasöngörëëri ꞉mbaamokumiri. Koru hangʼu inyu eriibhagha morooche ghoose ghayo, motiisheriiri ghugharura amiihëëbhö ghaanyu na komokumi.

Amaköri gha Bhatomu 17:29

“Mbe, gho kubha itu n‑abhaana bha Ryobha toonyi, totiihëëbha kubha ndetuubhiine na chasanaamu chino chiköruru gho sahaabhu, hamu chambiiri, hamu gho chasanaamu chino chibhaachuru mo‑matare. Ghayo ghoose ngaghuköru hangʼu kwo mangʼiini no obhukaari bho bhaato.

Amaköri gha Bhatomu 19:26

Ibheere mooghwire na kwirigheri inyu bheene kinya bhuure Bhawuro uyo akobhagharura abhaato bhaaru bha hano Ebheeso, haghirohamu na abhaato bha chambaara choose che mukööwa o Asiya. Nakobhabhoorera abhaato kubha, chasanaamu chino chiköruru na mabhökö gha bhaato taanyi Eryobha re hëënë.

Amaköri gha Bhatomu 7:41

Chaasiko chiyo bhaghaköra asanaamu ino etuubhiine ne ekimööri ke ngʼömbë. Bhakayeruuseri amaruusi, bhaakabha bharasiigherasiighera egheghiro kino ꞉bhiiköriire kwo mabhökö ghaabho abheene.

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

Obhohunyurëru 15:1

Mbe, nekarighi ekyërëkërëri ekende Mwishaaro. Nkeere ghekoro na ghe koroghoori. ꞉Neerooche bhamarayika mohungate bhararëëta chanaabhi mohungate che kumareereri. Chanaabhi ghiyo ncheere che kumareereri obhororo bho Ryobha.

Obhohunyurëru 16:8

Niho marayika o kane akahoma eghetibha keeche mo‑ryobha. Niho eryobha rekahaabhu obhotoro bho ghweki abhaato kwo bhotuuku bhooche.

Obhohunyurëru 9:19

Obhotoro bho chabharaasi chiyo mboore mo‑menu, na mo‑mekera gheebho, gho kubha emekera gheebho ngeere kinya chanchöka chino cheenyi ne emitu ghe kunyahaara abhaato.

Obhohunyurëru 9:21

Bhatatuukuuniire ghwitana koobho, no obhoturutumbi bhoobho, no obhutaari bhoobho no obhwibhi bhoobho.