Obhohunyurëru 7:15 - Eriiraghano Eriihë

¹⁵ Nikyo bhaanyi ambërë e ghetumbe ghe ghitëmi ke Ryobha. Mbakomuhökëri obhotiko no omwishe Mwisëngërö reeche. Naryo Eryobha rino riikeere mo‑ghetumbe keeche ghe ghitëmi, ndeekubha haghirohamu nabho na kobhachonga.

Obhohunyurëru 7:15 ပူးပေါင်းရင်းမြစ်များ

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

2 Abhakorinto 6:16

Erisëngërö re Ryobha ndeghotora kubha no obhumu na chasanaamu che misambu? Itu n‑Erisëngërö re Ryobha rino reenyi ihöru! N‑kinya bhuno Eryobha eryene ꞉reebhughiri kubha, “Neghwikara ghokoobho na ghughënda haghirohamu nabho. Neekubha Eryobha reebho, nabho mbaakubha abhaato bhaane.”

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 8:1

Mbe, angʼana ankoro mo‑ghoose ghayo niyo ino. Itu ntoonyi nawe Omuchaama Omokoro anga uyo, iwe niikeere eribhaara re kubhökö gho kwiro kwo Mutëmi Waryobha, ahaghiro ha sooko chwee iyo Mwishaaro.

Obhohunyurëru 11:19

Niho eghisëku ghe ghusöhëra Mwisëngërö re Ryobha iyo Mwishaaro gheghiighoru. Erisandëkö re Riiraghano re Ryobha rekarighibhu mo‑nyumba iyo. Nekarighi orunanehi rorabhari, na nekooghu eriiraka, na haakabha ne ekerighito ghe se. Ambura inkoro e rihoorere eghatëëka chwee.

Obhohunyurëru 13:6

Oghotyenyi ghuyo ghoghasëëma ghotoka Eryobha, ne eriina reeche na ahaghiro hano reghwikara, niko kobhugha, bhyose bhino bhimanyiri Mwishaaro.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.

Obhohunyurëru 4:4

Mbeere‑ho ebhetumbe ebhende bhe ghitëmi miröngö ebhere na bhine bhiinaariiri eghetumbe kiire ghe ghitëmi. Mo‑bhetumbe bhiyo, mbaare bhiikeere abhagharuka miröngö ebhere na bhane. Mbaare bhabheekiri changibho cheero na chahuuru che sahaabhu mo‑mitu gheebho.

Obhohunyurëru 4:8

Kira ghetyenyi mo‑bhiyo bhine, nkeere na amabhabha asaasabhe. Amabhabha ghayo ngaare na amiisho moose na anche. Mbeere bhereemba obhotiko no omwishe, bhetaaghokira. Omwembo oweene niwe uno, “Omutööbhiyu, Omutööbhiyu, Omutööbhiyu, n‑Omutëmi Waryobha o Bhotoro Bhoose, uno anyi‑ho, na korwera simoka naare‑ho, na naakubha‑ho.”

Obhohunyurëru 4:9

Ebhetyenyi bhiyo bhine mbeere bheramoghongi, na komosooka na komwitabheri wuure are ikeere mo‑ghetumbe ghe ghitëmi, uno amanyiri emiishe ghyose.

Obhohunyurëru 7:9

Hano ghayo ghahetiri, nekarighi eriirighi erende. Nekarighi erikinda ikoro re bhaato rino retaare reratoru kubharu. Abhaato bhayo mbaare bha chaase choose, na bha matöngö ghoose, na abhahiiri bhoose na bha bhighambo bhyose. Bhiimeeriire ambërë e ghetumbe ghe ghitëmi, na ambërë e Moona o Ngʼöndu. Bhabheekiri chandachana cheero na mbaare bhaghöötëriire amato gha mitëndë.