Obhohunyurëru 5:6 - Eriiraghano Eriihë

⁶ Mbe, haghuhe ne eghetumbe kiire ghe ghitëmi, nekarighi Omoona o Ngʼöndu imeeriire. Naare inaariiru ne ebhetyenyi bhiire bhine na abhagharuka bhaare miröngö ebhere na bhane. ꞉Naarighiibhu anga kinya asinchuru. Naare na chahëmbë mohungate na amiisho mohungate. Amiisho ghayo n‑Chaakörö mohungate che Ryobha chino cheere chetomuru mo‑se yoose.

Obhohunyurëru 5:6 ပူးပေါင်းရင်းမြစ်များ

Ruuka 1:69

Natoheere Omotoori o bhotoro. Omotoori uyo naakubha o mo‑rwibhoro ro mutamishi waache Tawuti,

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 1:36

Niho akamorighi Yesu araheta haghuhe nabho. Akabhabhoorera abhaanabheegha bhaache akabhugha, “Mööhi, uyo n‑Omoona o Ngʼöndu o Ryobha!”

Amaköri gha Bhatomu 8:32

Amandëkö ghano are arasöma, nigho ghano, “꞉Naakangaturu kinya angʼöndu ino eghuye ghosinchu. Aghakira kiri, kinya omoona o ngʼöndu ahaakira hano akubha aranungu amachööki.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 14:1

Nekamara nekarëkëra amiisho, nekarighi Omoona o Ngʼöndu imeeriire ighoro e gheghoro ghe Sayuuni haghirohamu na abhaato ekirara kimu ne ebheku miröngö ene na bhane (144,000). Abhaato bhayo, mbaare bhaandëkuru mo‑bhesho bheebho eriina re Moona o Ngʼöndu na ri Ishe.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.

Obhohunyurëru 4:8

Kira ghetyenyi mo‑bhiyo bhine, nkeere na amabhabha asaasabhe. Amabhabha ghayo ngaare na amiisho moose na anche. Mbeere bhereemba obhotiko no omwishe, bhetaaghokira. Omwembo oweene niwe uno, “Omutööbhiyu, Omutööbhiyu, Omutööbhiyu, n‑Omutëmi Waryobha o Bhotoro Bhoose, uno anyi‑ho, na korwera simoka naare‑ho, na naakubha‑ho.”

Obhohunyurëru 5:11

Mbe, nekooghu na korighi wiiki, bhamarayika bhaaru chwee, ebheku ne ebheku, koru omooto taaghotora kobhabhara. Bhamarayika bhayo mbaare bhiinaariiri eghetumbe kiire ghe ghitëmi, ne ebhetyenyi bhiire na abhagharuka bhaare.

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”

Obhohunyurëru 5:13

Niho nekooghu ebhetyenyi bhyose iyo Mwishaaro, na mo‑se, na nyaari, na mo‑nyancha bhereemba haghirohamu, “Uyo ikeere mo‑ghetumbe ghe ghitëmi, no Omoona o Ngʼöndu, bhaghongibhu, na bhasooku, na bhabhe no obhokumi obhokoro no obhotoro emiishe ne emiishe!”

Obhohunyurëru 5:14

Ebhetyenyi bhiire bhine bheghagharokeri bherabhugha, “Hawubhaabha!” Abhagharuka bhaare ibho bhaaghagho kebhuuma, bhaghasëngëra Eryobha no Omoona o Ngʼöndu.

Obhohunyurëru 6:16

Bhakabhebhoorera ebheghoro bhiyo na amatare, “Motoghwere! Motobhise kubha wuure ikeere mo‑ghetumbe ghe ghitëmi ataacha ghotwibhönëërëri. Motobhise, totaacha korighi obhororo bho Omoona o Ngʼöndu.