Obhohunyurëru 5:13 - Eriiraghano Eriihë

¹³ Niho nekooghu ebhetyenyi bhyose iyo Mwishaaro, na mo‑se, na nyaari, na mo‑nyancha bhereemba haghirohamu, “Uyo ikeere mo‑ghetumbe ghe ghitëmi, no Omoona o Ngʼöndu, bhaghongibhu, na bhasooku, na bhabhe no obhokumi obhokoro no obhotoro emiishe ne emiishe!”

Obhohunyurëru 5:13 ပူးပေါင်းရင်းမြစ်များ

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Abharuumi 16:27

Eryobha eryene niryo reenyi na amangʼiini ghoose. Iryo niryo ribhe reraghongibhu emiishe ghyose, gho nchëra e Yesu Kirisito! Hawubhaabha.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

Abhaebheeso 3:21

Eryobha reghongibhu na abhaato kwo mabhagha ghoose emiishe ne emiishe, kwo bhokoro bhooche bhuno bhokorighibhu mo‑riikanisa reeche na Kirisito Yesu! Hawubhaabha.

Abhabhiribhi 2:10

kubha gho sooko e riina re Yesu, ebheghiro bhyose bhino ꞉bhiitëëmuru, bhebhune ebheru ghokooche, bhibhe bhe Mwishaaro, na bhe mo‑se na bhe nyaari.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

1 Timotewo 4:16

Wëndërërë ghochonga atëëmö yaacho na ameeghi ghaacho. Örëëndërëra ghuköra hangʼu, noghwitoori iye omwene na bhano bhaghoghutëghëërëra.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

1 Bheetero 5:11

Eryobha ribhe no obhotoro emiishe ghyose! Hawubhaabha.

Yuuta 1:25

Iryo niryo Eryobha eryene, rino reenyi Omotoori wiito gho kohetera Yesu Kirisito Omutëmi wiito. Eryobha reghongibhu chwee, gho kubha iryo niryo reenyi no obhokumi obhokoro, na changuru, no obhotoro no obhokoro, korwera kare, ni ibheere, na koru emiishe ghyose. Hawubhaabha.

Obhohunyurëru 1:6

Natuköriri itu tubhe obhutëmi bho bhachaama kubha torihökëri Eryobha, Ishe waache. Obhokumi obhokoro no obhotoro bhubhe kwo Yesu, emiishe ne emiishe. Hawubhaabha.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 5:1

Nekamara nekamööhërëri, mo‑kubhökö gho kwiro kwo wuure are ikeere mo‑ghetumbe ghe ghitëmi nekarighi eghitabhu. Eghitabhu kiyo nkeere kyandëkuru chambaara chombe, wiiki nkeere kibhöhuru ne emehuuri mohungate ghe nyaghame.

Obhohunyurëru 5:12

Nekabhatëghëërëra bhareemba kwo riiraka, bharabhugha, “Omoona o Ngʼöndu uno asinchuru, nakurëngʼaanera ghosongʼaana obhotoro, no obhwame na amangʼiini. Changuru, na asooko, no obhokumi obhokoro, na aghongo m‑bhebheeche!”

Obhohunyurëru 5:3

Amare tabhönëkiri omooto wowoose iyo Mwishaaro, koru mo‑se, koru nyaari uno arëngʼaaniire ghokehunyura na ghoghisöma.

Obhohunyurëru 5:6

Mbe, haghuhe ne eghetumbe kiire ghe ghitëmi, nekarighi Omoona o Ngʼöndu imeeriire. Naare inaariiru ne ebhetyenyi bhiire bhine na abhagharuka bhaare miröngö ebhere na bhane. ꞉Naarighiibhu anga kinya asinchuru. Naare na chahëmbë mohungate na amiisho mohungate. Amiisho ghayo n‑Chaakörö mohungate che Ryobha chino cheere chetomuru mo‑se yoose.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Obhohunyurëru 6:16

Bhakabhebhoorera ebheghoro bhiyo na amatare, “Motoghwere! Motobhise kubha wuure ikeere mo‑ghetumbe ghe ghitëmi ataacha ghotwibhönëërëri. Motobhise, totaacha korighi obhororo bho Omoona o Ngʼöndu.