Obhohunyurëru 22:7 - Eriiraghano Eriihë

⁷ Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Obhohunyurëru 22:7 ပူးပေါင်းရင်းမြစ်များ

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 1:3

Ngʼoni abhaato bhano bhaghusömëra abhaghëndi bhaabho amangʼana gha bhurööti bhuyo. Eryobha ndekobhiitabheri bhano bhaghoghatëghëërëra na ghoghatambana ghano ghaandëkuru‑mu, gho kubha, eriibhagha re korwera kwo mangʼana ghayo ˆreghatingʼi.

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 22:12

Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.

Obhohunyurëru 22:18

Omooto woose uno akooghu amangʼana ghano gha bhurööti ghano ghaanyi mo‑ghitabhu kino, nekamoshaangʼi kubha, arëëngëra amangʼana, Eryobha ryose ndekomwëngëra chanaabhi chino chitaruru mo‑ghitabhu kino.

Obhohunyurëru 22:19

Wiiki omooto wowoose arayeruusi angʼana yoyoose koru mo‑mangʼana gha bhurööti bho ghitabhu kino, Eryobha ryose ndekobhoruusi obhuhëënë bhooche bho ghwikara mo‑moghya omutööbhiyu, no obhuhëënë bhooche bho kurë amakorobhese gha mote o kobhaha abhaato obhuhöru. Amangʼana gha moghya uyo no omote uyo mbyandëkuru mo‑ghitabhu kino.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!

Obhohunyurëru 22:21

Nëköbhëëndëra aghareeya e Mutëmi Yesu, ibhe haghirohamu na niinyu bhoose. Hawubhaabha.

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.