Obhohunyurëru 22:6 - Eriiraghano Eriihë

⁶ Akamara marayika uyo akamboorera akabhugha, “Amangʼana ghano n‑gha mahëënë na gha bhuhëënë. Omutëmi Waryobha uno akobhaha abharööti Akörö yaache, iwe ꞉naatomiri marayika waache kwërëki abhatamishi bhaache amangʼana ghano ghakwëndëru gharwere ghano matiko.”

Obhohunyurëru 22:6 ပူးပေါင်းရင်းမြစ်များ

Mataayo 13:41

Eni Omoona o Mooto nekobhatoma bhamarayika bhaane kubha bhabhakome koru mo‑bhutëmi bhoone abhaato bhoose bhano bhakorumeeri abhande bhakörë amasari, na abhaköri bha masari bhoose.

Ruuka 1:70

kinya Eryobha ꞉riimariri kobhugha hayo kare, gho nchëra e bharööti bhaache abhatööbhiyu.

Ruuka 16:16

“Emeghiro na Amandëkö gha bharööti, mbeere bhighööturu na abhaato mbagha eriibhagha re Yohana. Korwera eriibhagha riyo, Angʼana Anchömu e bhutëmi bho Ryobha ekabha arasanchibhu, na abhaato bhaaru mbaghwiköngʼi ghusöha.

Amaköri gha Bhatomu 12:11

Niho Bheetero akamënya kubha, ghoose ghano ghamorweriire ngaare gha hëënë, akabhugha, “Ibheere ˆnekamënya m‑mahëënë kubha Omutëmi niwe antomiire marayika waache, kubha antoori koru mo‑mabhökö gha Herote na konduusi mo‑mabhe ghoose ghano Abhayahuuti bhëëndiri ghunkörëra.”

Amaköri gha Bhatomu 3:18

Amare, ghayo ꞉ngaabheere hangʼu kubha Eryobha rehikeerani amangʼana ghano riröötiri gho nchëra e bharööti bhaache bhoose kubha, Kirisito waache nakunyaakibhu.

Abharuumi 1:2

Angʼana Anchömu iyo, niyo ino Eryobha ꞉riiraghiri korwera kare, kohetera mo‑bharööti bhaache mo‑Mandëkö Amatööbhiyu.

1 Abhakorinto 14:32

Ekihaano ghe koruusi obhurööti, ngeghukangatu na uno ahaabhuru ekihaano kiyo.

1 Abhakorinto 7:29

Abhahiiri bhaane, nekwënda kobhugha kubha, eriibhagha n‑ighuhe reghasaagha, mbagha Kirisito agharuke. Korwera ibheere bhano bhakwiriri bhatighe kwihëëbhëra abhakari bhaabho okwene, amare bhakörë emeremo ghe Mutëmi.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

Abheebhuraaniya 12:9

Haghirohamu na ghayo, itu bhoose ntoonyi na bhataata abhiibhori bhiito, mbaare bharaturööna, na niitu ntoore torabhasooka. Kana, totaakwëndëru komosooka chwee Waryobha Taata wiito uno anyi Mwishaaro kubha tubhe no obhuhöru?

2 Bheetero 1:21

Nekobhugha hangʼu gho kubha, ghataanyi‑ho amangʼana gha bhurööti ghano ghakorwera mo‑miigha gha mooto. Amare abhaato ꞉mbaaruusiri obhurööti koru kwo Waryobha bharakangatu na Akörö Ahörëëru.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

Obhohunyurëru 19:9

Marayika uyo akamboorera akabhugha, “Andëka, ngʼoni bhano bharaghiinu mo‑nyangi e riirugha e Omoona o Ngʼöndu.” Wiiki akamboorera akabhugha, “Ghano nighambiri n‑amangʼana gha mahëënë gha Ryobha.”

Obhohunyurëru 21:5

Akamara wuure are ikeere mo‑ghetumbe ghe ghitëmi akamboorera akabhugha, “Ibheere egheghiro kyose ˆneghaghiköra kibhe kihë!” Wiiki akamboorera akabhugha, “Andëka ghayo, gho kubha amangʼana ghayo n‑gha bhuhëënë na gha mahëënë.”

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Obhohunyurëru 4:1

Hano ghayo ghahetiri, nekarighi eriirighi erende. Mööhi! ꞉Neerooche orwighe rwighwiru Mwishaaro! Niho nekooghu eriiraka re ntaara renga rino nyoghwire ekimbërë, rekamboorera rerabhugha, “Nuuche, tiira ino ighoro, kubha nekwërëki amangʼana ghano ghakwëndëru gharwere, ghayo gharamara koheta.”