Obhohunyurëru 2:26 - Eriiraghano Eriihë

²⁶ Omooto wowoose uno aghokinda amasaki na kwëndërëra ghuköra amiigha ghaane mbagha mo‑ntenero, “Nekomuha obhotoro bho ghukangata abhaato bha matöngö ghoose.

Obhohunyurëru 2:26 ပူးပေါင်းရင်းမြစ်များ

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Mataayo 19:28

Yesu akabhagharokeri akabhugha, “Mahëënë ˆnekabhabhoorera, eriibhagha eni uno neenyi Omoona o Mooto neekubha niikeere eghitëmi mo‑ghetumbe keene ke bhokumi obhokoro mo‑se ahë, mbe, na niinyu bhano muntambiine, moghwikara mo‑bhetumbe ikomi na bhibhere ino moratenera ekiina amatöngö ikomi na abhere gha Bhiisiraeri.

Mataayo 24:13

Amare wuure aghoghumereri mbagha mo‑ntenero, uyo niwe naghotooribhu.

Yohana 6:29

Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Yakobho 2:20

Iye m‑mughëëghë onyi! Kana okeere örëndëru kwërëkibhu kubha, obhokumi bhuno bhotaanyi na amaköri amachömu, bhotaanyi no obhwëra?

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 5:5

Kana! N‑niwe uno aghotora ghoghakinda gha mo‑se ino? W‑wuure aghokumi kubha Yesu n‑Omoona o Ryobha.

Obhohunyurëru 2:11

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, omororo o miishe ghyose tookomoturi naabha. Omororo uyo n‑oroko ro kabhere.’”

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.

Obhohunyurëru 22:5

Mo‑moghya uyo, hataakubha no obhotiko wiiki. Abhaato bhataakubha bharëënda obhwero bho romore hamu bho mu, gho kubha Omutëmi Waryobha naakubha obhwero bhoobho. Nabho abhaato bhayo mbaghukangata emiishe ne emiishe.

Obhohunyurëru 3:12

Omooto wowoose uno aghokinda amasaki, nekomuköra abhe ambiro Mwisëngërö re Ryobha reene, nawe taakoru‑mu naabha. Neramara nekomwandëka eriina re Ryobha reene ne eriina re moghya o Ryobha reene. Omoghya uyo n‑Yerusareemu ahë, uno oghwika koru Mwishaaro kwo Waryobha. Wiiki nekomwandëka eriina reene eriihë.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 3:5

Omooto wowoose uno aghokinda amasaki, nekomobheeki changibho echeero kinya bhayo. Nteekoruusi naabha eriina reeche mo‑Ghitabhu ke Bhuhöru. Amare neghosiikëra haheero ambërë e Taata na bhamarayika bhaache kubha uno n‑o waane.