Obhohunyurëru 2:18 - Eriiraghano Eriihë

¹⁸ Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Tiyatira, no omobhoorere obhughe, ‘Eni neeni Omoona o Ryobha. Neenyi na amiisho kinya orumëmi ro omororo na amaghoro gha kurëngaari kinya ashabha ino ꞉yeeghuru mo‑mororo. Mutëghëërërë ghano nekobhabhoorera!

Obhohunyurëru 2:18 ပူးပေါင်းရင်းမြစ်များ

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:18

Eryobha retaakomotenera ekiina omooto uno akorekumi, amare omooto uno ataakorekumi namariri ghoteneru ekiina gho kubha, taamokumiri Omoona waache omwene chiri.

Yohana 5:25

Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 2:1

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Ebheeso, no omobhoorere obhughe, ‘Eni neenyi na chanchöta chiire mohungate mo‑kubhökö koone gho kwiro, eni nehaaghënda ghateghate e ebheghiro bhiire mohungate bhe sahaabhu bhe ghotoorera‑mu ebhemore. Mutëghëërërë ghano nekobhabhoorera!

Obhohunyurëru 2:24

Ibheere ghate yaanyu iyo Tiyatira, mbaanyi‑ho abhande bhano bhaanyi abhahëënë. Abhaato bhano bhataaghutambana ameeghi gha Yesebheeri uyo koru bhateeche ghayo abhande bhakobhugha kubha n‑ekebhisere ke Rishambu! Kwo bhaato abhahëënë bhano, nekobhugha kubha, ntëëköbhëëngërëërëri wiiki omorigho owonde.