Obhohunyurëru 2:14 - Eriiraghano Eriihë

¹⁴ Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Obhohunyurëru 2:14 ပူးပေါင်းရင်းမြစ်များ

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

Amaköri gha Bhatomu 21:25

Kwo ribhaara re bhaato bha matöngö bhano bhamokumiri Yesu, ntobhaandëkiire kinya bhuure tooteniri ekiina kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, na bhatarë amasaahë, koru chaanyama che chatyenyi chino chinyëëturu, na bhataköra obhutaari.”

Abharuumi 11:9

Koru omutëmi Tawuti ꞉naabhughiri kubha, “Hano bhaghuköra chanyangi cheebho, Eryobha rechiigharure chibhe omuhëtö o kobhaghööti, no omuhëtö o kobhaghwishi, na kobharööna.

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

Abharuumi 14:21

Ngʼoni otighe kurë anyama, hamu kunyo adivaayi, hamu ghuköra ghyokyose kino gheghotora komuköra mughëndi waacho akörë amasari.

Abharuumi 9:32

Ngwake bhatabhariiru kubha mbaanyi no obhuhëënë ambërë e Ryobha? N‑gho kubha ꞉mbiitëngʼiire amaköri ghaabho na bhataamokumiri Kirisito. Kirisito niwe eriibhohe rino ꞉bhiituurirituuriri,

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 7:2

Amare gho ghiri e ghwisacha ghuköra obhutaari, omosubhe woose abhe no omukari waache omwene, wiiki omukari woose abhe no omosubhe waache omwene.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

1 Bheetero 2:8

Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Obhohunyurëru 2:4

Amare neenyi na angʼana imu ino ekunyaaki ighoro yaanyu. Motighiri obhosiighi bhoonyu o bhumbërë.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.