Obhohunyurëru 17:14 - Eriiraghano Eriihë

¹⁴ Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Obhohunyurëru 17:14 ပူးပေါင်းရင်းမြစ်များ

Mataayo 22:14

Yesu akamareereri gho kobhugha, “Eryobha ndekobhabherekera abhaato bhaaru ghusöha mo‑bhutëmi bhooche, amare m‑bhasuuhu bhano bhaahwiru ghusöha.”

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Abharuumi 1:6

Inyu bhoose moonyi ghate yaabho na mobherekiiru kubha abhaato bha Yesu Kirisito.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Abhakorinto 15:24

Hayo niho antenero e bhyose ekohikeerana. Eriibhagha riyo Kirisito naghosireekereri abhakangati bhoose, na bhano bhaanyi no obhotoro na bha changuru bhoose, aramara nakomuha Waryobha Taata obhutëmi.

1 Timotewo 6:15

Kuucha kooche ngookubha eriibhagha rino rerwachiri Eryobha. Eryobha niryo reghoghongibhu, niryo reghukangata eryene, niryo Omukangati o bhakangati no Omutëmi o bhatëmi.

2 Timotewo 2:4

Taanyi‑ho omoshirikare omuhöriicho uno aghotigha kuhöki emeremo ghe bhoshirikare, asöhë mo‑meremo ghino ghetaanyi ghe bhoshirikare. Taaghwisöhi mo‑ghiyo, gho kubha nakwënda ghuchömëri omokoro waache.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 11:7

Hano bhakumara kuraghani angʼana e Ryobha, atyenyi inkoro yiire ino etiiriri koru mwirooma re mashambu, nekurööna nabho. Nekobhahicha na kobhiita.

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.