Obhohunyurëru 17:12 - Eriiraghano Eriihë

¹² “Chahëmbë chiire ikomi chino orooche nchiimeereriire abhatëmi ikomi, bhano bhakeere ghukangata. Bhayo bhoose mbakuhaabhu obhotoro bho ghukangata haghirohamu no oghotyenyi ghuyo, amare kwo riibhagha re sa imu hangʼu.

Obhohunyurëru 17:12 ပူးပေါင်းရင်းမြစ်များ

Obhohunyurëru 10:11

Nekabhooreru kubha, “Nokwëndëru koruusi obhurööti wiiki ighoro e bhaato bhaaru, na chaase chaaru, ne ebhighambo bhyaru na abhatëmi bhaaru.”

Obhohunyurëru 12:3

Hakamara, iyo mwighoro hakarwera ekyërëkërëri ekende ghe koroghoori. Mööhi! Ghokarwera‑ho oghuchöka oghokoro ghubhararatu. Ngoore ne emitu mohungate na chahëmbë ikomi, na kira omutu noore obheekiri orohuuru.

Obhohunyurëru 13:1

Nekamara nekarighi oghotyenyi ghumu, ghorarwera mo‑nyancha. Ngoore ne emitu mohungate na chahëmbë ikomi, na kira ruhëmbë ndoore no orohuuru. Wiiki kira omutu noore wandëkuru eriina re ghotoka Eryobha.

Obhohunyurëru 17:16

Chahëmbë chiire ikomi no oghotyenyi ghuyo mbekomurëgha omusöngörëëri wuure. Mbakwimoki obhwame bhooche bhoose na komotigha kingʼaabhi. Mbaakurë chaanyama cheeche, na bhino bheghusaagha, mbekurëkëru mo‑mororo.

Obhohunyurëru 18:10

Mbakwimeerera kurë no omoghya uyo gho ghotiina anyaako yaache. Mbakorera bharabhugha, “Horeera nokorighi, horeera nokorighi omoghya omokoro, Bhabheeri, omoghya uno onyi na changuru! Noteniiru ekiina kwo bhwango chwee!”

Obhohunyurëru 18:17

Amare obhwame bhuyo bhoose mbosirekeriiru kwo bhwango chwee.” Abhiimeereri bhoose bha chameeri, na abhaköri bha rughëndö bhoose, na abhahöki bha meremo bhoose bha mo‑meeri, mbakwimeerera kurë.

Obhohunyurëru 18:19

Mbakwihomerera orotu mo‑mitu gheebho, kwërëki kubha mbaanyi na amacheeche. Mbakorera bharabhugha, “Horeera nokorighi, horeera nokorighi omoghya omokoro. Omoghya uyo niwe otuköriri itu bhano toonyi na chameeri twamihe gho ghiri e bhwame bhooche. Amare ibheere omoghya woose oghasireekerera kwo riibhagha isuuhu hangʼu.”