Obhohunyurëru 14:4 - Eriiraghano Eriihë

⁴ Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Obhohunyurëru 14:4 ပူးပေါင်းရင်းမြစ်များ

Mataayo 19:12

Nekobhugha hangʼu gho kubha, abhande ꞉mbiibhwiru bhachigharu bhataaghokwira. Abhande bhataaghokwira gho kubha abhaato mbabhaturiri kubha bhatabha bhariibhora. Mbaanyi‑ho na abhande bhano bhataaghokwira gho ghiri e bhutëmi bho Mwishaaro. Omooto wowoose uno aghotora ghosongʼaana angʼana ino, na ayesongʼaane.”

Mataayo 25:1

Niho Yesu akabhabhoorera abhaanabheegha bhaache akabhugha, “Kwo riibhagha riyo, obhutëmi bho Mwishaaro mboghotuubhaana na abhaakë ikomi bhano ꞉bhiimokiri chaatara cheebho na ghuye komoturungʼanera omokwiri.

Mataayo 8:19

Mbe, omweghi umu o meghiro aghiishuka o‑Yesu, akamobhoorera akabhugha, “Oo Omweghi, hohoose hano oghuye, neghoghutambana.”

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 13:37

Bheetero akamobhoori akabhugha, “Oo Omutëmi, ghwake nteeghotora ghoghutambana ibheere? Eni niisheriiri ghoku gho ghiri yaacho!”

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

1 Abhakorinto 7:28

Amare aribha orakwira, tookubha uköriri amasari. No omuukë woose, aribha arakwiru, taakubha aköriri amasari. Amare bhayo bhaakubha bhakwiriine mbaakubha na anyaako mo‑riimanya re mo‑se ino, na neeni nengasiighiri anyaako iyo, etaacha kobhabhöna.

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

Abhaebheeso 5:27

꞉Nëëndiri ibhönërë eriikanisa eritööbhiyu, rino retaanyi ne eriisari koru obhoghonchu bhobhoose.

1 Timotewo 4:3

Bhayo mbaheeghi abhaato kubha bhatighe ghokwira, na kobhahatëka bhatarë ebhiinyakurë nyarebhe. Amare Eryobha ꞉ndiitëëmiri ebhiinyakurë, kubha bhesongʼaanibhu gho ghwitabheri na bhano bhaghokumi na kumënya obhuhëënë.

Abheebhuraaniya 12:23

Inyu mohikiri mo‑riikanisa re bhiibhoru a bhambërë bha Ryobha, bhano amariina ghaabho ghaandëkuru Mwishaaro. Mohikiri ambërë e Ryobha rino reenyi omoteni o kiina o bhaato bhoose na ambërë e bhaato abhahöriicho bhano bhakuure bhano Eryobha rebhahikeriini.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 21:23

Omoghya uyo toonyi na amënda gha bhwero bho ryobha hamu omwëri, gho kubha obhokumi obhokoro bho Waryobha mbokowurëngareri, no Omoona o Ngʼöndu niwe oromore rooche.

Obhohunyurëru 3:4

Amare mbaanyi‑ho abhaghëndi bharëngʼaaneru iyo Sariti bhano bhataghonchiri amaghööti ghaabho gho ghuköra amasari. Bhayo mbaghughëndani haghirohamu na neeni ino bhabheekiri changibho echeero gho kubha mbarëngʼaaniire.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.