Obhohunyurëru 11:3 - Eriiraghano Eriihë

³ Eni nekobhatoma abhiibhateri bhaane bhabhere, nekobhaha obhotoro bho koruusi obhurööti chaasiko egheku kimu na amaghana ebhere na miröngö esaasabhe (1,260), mbaakubha bhabheekiri changibho che maghönëra kwërëki amacheeche.” Chaasiko chiyo n‑kinya eriibhagha re myëri miröngö ene ne ebhere.

Obhohunyurëru 11:3 ပူးပေါင်းရင်းမြစ်များ

Mataayo 11:21

“Horeera mokorighi inyu abhaato bha moghya o Korasiini! Horeera mokorighi inyu abhaato bha moghya o Bhetisaayita! Gho kubha ebheroghooro bhino ꞉niiköriri ghokoonyu, aribha nengabhiköriri mo-Tiiro na Sitooni, abhaato bha meghya ghiyo mbangatuukuuniire amasari ghaabho chaasiko chaaru. Mbangëërëkiri ghotuukuuna koobho gho kobheeka amaghööti gha maghönëra, na kwihaka eriibhu.

Mataayo 18:16

Amare aribha angiri ghokoghwera, nooghi wimoki omooto owonde umu hamu bhabhere, kinya Amandëkö Amatööbhiyu ꞉ghaabhughiri kubha, ‘Kira eriisari reteneru ekiina kwo bhwibhateri bho bhaato bhabhere hamu bhatato.’

Ruuka 10:13

“Horeera mokorighi inyu abhaato bha moghya o Korasiini! Horeera mokorighi inyu abhaato bha moghya o Bhetisaayita! Gho kubha ebheroghooro bhino ꞉niiköriri ghokoonyu, aribha nengabhiköriri mo‑Tiiro na Sitooni, abhaato bha meghya ghiyo mbangatuukuuniire amasari ghaabho korwera hayo. Mbangëërëkiri ghotuukuuna koobho gho kobheeka amaghööti gha maghönëra, na kwihaka eriibhu.”

Ruuka 24:48

Inyu niinyu morooche amangʼana ghayo ꞉ghaakörëkiine wiiki niinyu moghoghasiikëra kwo bhande.”

Yohana 15:27

Wiiki inyu bhoose moghungambëra amangʼana ghaane, gho kubha moore haghirohamu na neeni korwera ekeenyuma.”

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 13:31

Gho chaasiko chaaru, Yesu ꞉naabharweriire abhaato bhano ꞉bhaare haghirohamu nawe koru Ghariraaya mbagha Yerusareemu. Ibho nibho ꞉bhaabheere abhiibhateri bhaache mo‑ritöngö riito re Bhiisiraeri.

Amaköri gha Bhatomu 2:32

Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

2 Abhakorinto 13:1

Ino neekubha mara e ghatato kuucha bhowaanyu. Amandëkö Amatööbhiyu ngakobhugha kubha, “Kira eriisari reteneru ekiina kwo bhwibhateri bho bhaato bhabhere hamu bhatato.”

Abhaebheeso 4:11

Niwe ꞉aheere abhaato atuho, abhande akabhaköra bhabhe abhatomu, na abhande abharööti, na abhande abharaghani bha Ngʼana Anchömu, na abhande abhakangati bha riikanisa na abheeghi.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 11:2

Amare otarëngi eriigho re Risëngërö riyo, gho kubha mbahaabhuru abhaato bha matöngö. Ibho mbaghutacha omoghya omutööbhiyu o Yerusareemu kwo riibhagha re myëri miröngö ene ne ebhere.

Obhohunyurëru 11:6

Abhiibhateri bhayo bhabhere mbaanyi no obhotoro bho kuhööchërëra eriighoro, kubha ambura etatëëka eriibhagha rino bhaakubha bhararuusi obhurööti bhoobho. Wiiki eriibhagha ryoryose rino bhakwënda, mbaghotora ghugharura amanche kubha amasaahë na kurëëta chanaabhi che manga ghoghoose hano mo‑se.

Obhohunyurëru 12:6

Omukari uyo akangʼösëra mwibhara, ahaghiro hano Eryobha reere remusëëmiire kubha remotughe hayo gho chaasiko egheku kimu na amaghana ebhere na miröngö esaasabhe (1,260).

Obhohunyurëru 13:5

Mbe, oghotyenyi ghuyo ghokahaabhu obhotoro bho ghosiikëra amangʼana gha kwihacha na gha ghotoka Eryobha. Wiiki ghokahaabhu obhotoro bho ghukangata emyëri miröngö ene ne ebhere.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.