Mataayo 9:6 - Eriiraghano Eriihë

⁶ Nekwënda mumënyë bhoheene kubha eni Omoona o Mooto, neenyi no obhotoro bho kwabhëra amasari mo‑se ino.” Niho Yesu akamobhoorera omooto uyo are akuure ribhaara, akabhugha, “Imeerera! Ghëgha machëëra yaacho, oghi awaacho.”

Mataayo 9:6 ပူးပေါင်းရင်းမြစ်များ

Mataayo 4:24

Mbe, amangʼana ghaache ghaghasancha chwee mo‑chambaara choose che mukööwa o Siiriya. Abhaato bhakahira abhabhabharu bhoose bha mashaagha haghare haghare. Ghate yaabho, mbaare‑mu abhabhabharu chwee, bhano bhaghööturu ne emisambu, na bhano ꞉bhaare na amarimo, na bhano ꞉bhaare bhakuure eribhaara. Yesu akabhahöri bhayo bhoose.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Mataayo 9:2

Hayo abhaato abhande bhakaacha o‑Yesu no omooto uno akuure eribhaara, amisiri mo‑machëëra. Hano Yesu arooche obhokumi bhoobho, akamobhoorera omubhabharu uyo akabhugha, “Oo omoona waane, witoore omukörö! Amasari ghaacho ngaabhiiru.”

Mataayo 9:5

Mbe, n‑diihë rino reenyi ihoho? Komobhoorera kubha, ‘Nekwabhiire amasari ghaacho,’ ghasi komobhoorera kubha, ‘Imeerera, ughëndë’?

Mataayo 9:7

Niho omooto uyo akiimeerera, aghaye awaache.

Maariko 2:10

Mbe, nekwënda mumënyë kubha, eni Omoona o Mooto neenyi no obhotoro bho kwabhëra amasari mo‑se ino.” Niho Yesu akamobhoorera omooto uyo are akuure ribhaara akabhugha,

Maariko 2:7

“Ngwake omooto uno akobhugha hangʼu? Nakwirëngʼaani ne Eryobha! Taanyi‑ho omooto uno aghotora kwabhëra amasari, nanyinga Eryobha eryene chiri!”

Ruuka 5:21

Abheeghi bha meghiro na Amabharisaayo bhayo, hayo hayo bhaghasëëma kwingʼunyera mo‑metema gheebho bharabhugha, “N‑niwe uyo kana aghosiikëra amangʼana gha kwirëngʼaani ne Eryobha? Taanyi‑ho uno aghotora kwabhëra amasari gha mooto, n‑Eryobha eryene chiri niryo reghotora!”

Yohana 10:28

Eni neghochiha obhuhöru bho miishe ghyose, koru chetaakobhora naabha. Wiiki taanyi‑ho omooto uno aghotora ghochisara koru mo‑mabhökö ghaane.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Yohana 5:8

Mbe, Yesu akamobhoorera omubhabharu uyo akabhugha, “Imeerera, ghëgha erishëërö reecho, ughëndë.”

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Amaköri gha Bhatomu 9:34

Bheetero akamobhoorera Ayineya akabhugha, “Yesu Kirisito ˆaghakuhöri. Bhooka! Waare obhorere bhoocho.” Hayo hayo Ayineya akiimeerera.

2 Abhakorinto 2:10

Omooto wowoose uno mokomwabhëra, na neeni neekubha nemwabhiire. Na aribha enyi‑ho angʼana ino nekwëndëru kwabhëra, neryabhiire ambërë e Kirisito gho ghiri yaanyu,

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhakorosaayi 3:13

Moghumererani inyu bheene kwo bheene na kwabhërana. Aribha umu ghate yaanyu naanyi na angʼana kwo mughëndi, mokwëndëru mwabhërane kinya bhuno Omutëmi Yesu abhaabhiire inyu.