Mataayo 9:26 - Eriiraghano Eriihë

²⁶ Amangʼana ghayo ꞉ngaasanchiri mo‑se yiire yoose.

Mataayo 9:26 ပူးပေါင်းရင်းမြစ်များ

Mataayo 4:24

Mbe, amangʼana ghaache ghaghasancha chwee mo‑chambaara choose che mukööwa o Siiriya. Abhaato bhakahira abhabhabharu bhoose bha mashaagha haghare haghare. Ghate yaabho, mbaare‑mu abhabhabharu chwee, bhano bhaghööturu ne emisambu, na bhano ꞉bhaare na amarimo, na bhano ꞉bhaare bhakuure eribhaara. Yesu akabhahöri bhayo bhoose.

Mataayo 9:31

Koru hangʼu bhaaghaye, bhakaraghani amangʼana ghaache mo‑se yiire yoose.

Maariko 1:28

Kwo riibhagha ighuhe amangʼana ghaache ghaghasancha bhwango, abhaato bhaaru koru mo‑mukööwa o Ghariraaya bhaakabha bhooghwire amangʼana ghayo.

Maariko 1:45

Amare, omooto uyo aghatanura hayo, aghasëëma kuraghani haghiro hoose amangʼana gha kuhöru kooche. Gho ghayo, Yesu taatoriri wiiki ghusöha haheero mo‑meghya ghyoghyose ghiire. Akabha ariikara anche e moghya hano abhaato bhataanyi, koru hangʼu abhaato mbaare bharamutambana koru chambaara choose.

Maariko 6:14

Omutëmi Herote Antibha o se iyo, ꞉nooghwire amangʼana gha Yesu, gho kubha amangʼana ghaache ngaare ghasanchiri ahaghiro hoose. Abhande mbaare bharabhugha ighoro e Yesu kubha, “N‑Yohana Omubhatisaachi aryokiri koru mo‑bhaku, nikyo anyi no obhotoro bho ghuköra ebheroghooro.”

Ruuka 4:14

Akamara, Yesu aghagharuka mo‑mukööwa o Ghariraaya, anyi no obhotoro bho Körö Ahörëëru. Amangʼana ghaache, ghaghasancha chwee mo‑bhyaro bhiyo bhyose bhino bheenyi haghuhe na Ghariraaya.

Ruuka 4:37

Ibheere, amangʼana ghaache, ghaghasancha chwee mo‑bhyaro bhiyo bhyose.

Ruuka 5:15

Koru hangʼu, amangʼana gha Yesu ghakëëngëra ghusancha chwee mo‑bhaato. Abhaato bhayo mbaare bharaacha ghokooche amakinda na amakinda, bhabhönë ghutëghëërëra ameeghi ghaache, na kuhöribhu amabhabharu ghaabho.

Ruuka 7:17

Angʼana iyo, eghasancha chwee mo‑mukööwa woose o Yuteya, na mo‑mikööwa eghende ghe haghuhe.

Amaköri gha Bhatomu 26:26

Koru omutëmi Aghiribha neeche bhoheene amangʼana ghano. Neenyi no obhuhëënë kubha, teenyi‑ho ngʼana koru imu ino ateeche, gho kubha amangʼana ghayo ghataaköruru gho kobhisa. Gho ghayo, neghotora ghosiikëra ambërë yaache kwo bhosubhesubhe.