Mataayo 9:18 - Eriiraghano Eriihë

¹⁸ Hano Yesu are akeere arasiikëra na abhaato bhayo, hayo hayo, akaacha omukangati umu, akabhuna ebheru ambërë yaache, akamobhoorera akabhugha, “Omuukë waane ˆaghaku ibheerebheere. Amare nuuche otoore okubhökö ighoro yaache, nawe obhuhöru mbokomugharukera.”

Mataayo 9:18 ပူးပေါင်းရင်းမြစ်များ

Mataayo 14:33

Mbe, abhaanabheegha bhano ꞉bhaasaaghiri mo‑bhwato, bhakamusëngëra Yesu bhakabhugha, “Mahëënë, iye n‑Omoona o Ryobha onyi!”

Mataayo 15:25

Omukari uyo akamwishukerera, akabhuna ebheru ambërë e Yesu, akamusabha akabhugha, “Oo Omutëmi, ˆneghaghusabha unsakeri!”

Mataayo 17:14

Eriibhagha Yesu na abhaanabheegha bhaache ꞉bhaagharokiri hano reere erikinda riire re bhaato, omooto umu aghaye o‑Yesu, akabhuna ebheru ambërë yaache.

Mataayo 20:20

Niho muka Sebhetaayo akaacha o‑Yesu na abhaana bhaache bhabhere, akabhuna ebheru ambërë yaache na ghusabha egheghiro kimu.

Mataayo 28:17

Hano bhamorooche, bhakamusëngëra, amare abhamu bhaghiituuri kubha, hamwabhe taanyi Yesu.

Mataayo 8:2

Mööhi! Akaacha omooto umu uno anyi no obhubhabharu bho mbiti, akabhuna ebheru ambërë e Yesu, akamobhoorera akabhugha, “Oo Omutëmi, örëënda, noghotora koomusa.”

Mataayo 8:25

Abhaanabheegha bhaache bhaaghaye komobhooki, bharabhugha, “Oo Omutëmi wiito! Totoori! ˆToghasireekerera!”

Mataayo 9:17

Wiiki, taanyi‑ho omooto uno aghotoora adivaayi ahë mo‑maghöchi gha mashëërö amakungu. Mbe, gho ghuköra hangʼu, amaghöchi ngakubhaaruka, adivaayi neghwitëka na amaghöchi ghayo ngaghusarëka. Amare, abhaato mbahaatoora adivaayi ahë mo‑maghöchi amahë. Mbe, bhyombe amaghöchi amahë na adivaayi ahë mbeekubha bhoheene!”

Mataayo 9:19

Niho Yesu aghatanura haghirohamu na abhaanabheegha bhaache, bhakamutambana omukangati uyo.

Mataayo 9:24

Yesu akabhabhoorera akabhugha, “Moru hano! Omuukë uno taamara aku, n‑komisi amisiri okwene!” Hano abhaato bhayo bhooghwire hangʼu, bhakamusëka Yesu.

Ruuka 13:14

Orosiko runo Yesu ahöriri omooto uyo, ndoore orosiko ro Riikane, eghaghëri omukangati o risinaghooghi aghakarara chwee. Akabhabhoorera abhaato akabhugha, “Ncheenyi‑ho, chaasiko ishaasabhe che kuhöki emeremo. Mbe, muuche muhöru mo‑chaasiko chiyo, amare motaacha orosiko ro Riikane!”

Ruuka 18:18

Wiiki omukangati umu omwame, akaacha komobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Ruuka 7:2

Mo‑moghya uyo, naare‑ho omokoro o bhaashirikare bha Keruumi. Omokoro uyo, naare no omutamishi uno are amosiighiri chwee. Wiiki omutamishi uyo naare abhaabhiire arëënda ghoku.

Yohana 11:25

Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

Yohana 11:32

Eriibhagha Mariyamu ꞉ahikiri hano Yesu are, akamorighi, akabhuna ebheru ambërë yaache, akamobhoorera akabhugha, “Oo Omutëmi, aribha ongabheere‑ho, omwito tangakuure.”

Amaköri gha Bhatomu 13:15

Hano bhamariri ghusöma amangʼana gha Meghiro ghe Musa na gha bhitabhu bhe bharööti, abhakoro bha risinaghooghi riyo bhaghatoma omooto o‑Bhawuro na Bharinaabha, akabhabhoorera akabhugha, “Abhahiiri bhiito, aribha moonyi na angʼana e kobhabhoorera na kobhatoora omukörö abhaato bhano, muuche mosiikëra.”

Amaköri gha Bhatomu 28:8

Eriibhagha riyo, ishe Bhubhuriyo m‑moshaagha are, naare aghööturu ne ekihëënö, na ghusaaha amasaahë. Bhawuro aghasöha mo‑nyumba e mubhabharu uyo, akamusabhera, aghatoora amabhökö ighoro yaache akamuhöri.