Mataayo 8:4 - Eriiraghano Eriihë

⁴ Akamara Yesu akamobhoorera akabhugha, “Mööhi, otabhoorera omooto wowoose angʼana ino! Amare, nooghi wiyërëkani mo‑muchaama na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Mataayo 8:4 ပူးပေါင်းရင်းမြစ်များ

Mataayo 10:18

Mbakobhahira ambërë e bhakangati na abhatëmi bha mo‑se ino gho ghiri yaane, kubha mubhe abhiibhateri bhaane ambërë yaabho na ambërë e bhaato bha matöngö.

Mataayo 16:20

Niho Yesu akabhashaangʼi abhaanabheegha kubha, bhataacha kobhoorera omooto wowoose kubha iwe niwe Kirisito.

Mataayo 17:9

Hano bhaare bhariika koru a‑gheghoro, Yesu akabharaghereri, akabhugha, “Motaacha komobhoorera omooto wowoose amangʼana ghoose ghano morooche, mbagha eriibhagha rino eni uno neenyi Omoona o Mooto, nekoryoka koru mo‑bhaku.”

Mataayo 3:15

Yesu akamugharokeri akabhugha, “Nwishereri ibhe hangʼu kwi ibheere, gho kubha ntokwëndëru ghuköra ghaare ghoose Eryobha rekwënda.” Mbe, Yohana aghiishereri, akamubhatiisa.

Mataayo 5:17

“Motiituuri kubha niichiri gho ghiri e ghusari emeghiro, hamu ghano ꞉ghaasiikiiru na abharööti. Mööhi, ntiichiri gho ghiri e ghusari, amare niichiri gho ghiri e ghosiikëra obhuhëënë bhooche.

Mataayo 6:1

“Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 9:30

Hayo hayo, amiisho ghaabho ghakarighi. Yesu akabhashaangʼi gho changuru akabhugha, “Motabhoorera omooto wowoose angʼana ino!”

Maariko 13:9

“Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Maariko 3:12

Niho aghaghihatëka kwo bhuhaari kubha ghetabha gheraraghani amangʼana ghaache mo‑bhaato.

Maariko 5:43

Yesu akabharëki kubha bhatamobhoorera omooto wowoose ghano ghaköruru. Akabhabhoorera abhiibhori bhaache bhamuhë ebhiinyakurë.

Maariko 6:11

Wiiki, hohoose hano bhataakobhasongʼaana hamu kobhatëghëërëra, hano moghutanura, mwikongʼoote orotu runo roonyi mo‑maghoro ghaanyu, ibhe obhwibhateri ghokoobho, kubha Eryobha ˆrekabhaanga.”

Maariko 7:36

Yesu akarihatëka erikinda re bhaato kubha, bhatamobhoorera omooto wowoose ghano aköriri. Amare kinya are arabharëki, nibhu ꞉bhiiköngʼiri chwee kuraghani angʼana iyo.

Maariko 8:30

Yesu akabhashaangʼi bhatasaki kobhoorera omooto wowoose kubha, iwe n‑niwe.

Maariko 9:9

Hano bhaare bharahiringita koru mo‑gheghoro kiyo, Yesu akabharaghereri kubha bhatamobhoorera omooto wowoose ghano bharooche, mbagha hano Omoona o Mooto akubha aryokiri koru mo‑bhaku.

Ruuka 17:14

Yesu hano abharooche, akabhabhoorera akabhugha, “Mughëndë mwiyërëkani mo‑bhachaama.” Mbe, bhaaghaye, ne eriibhagha bhaanyi mo‑nchëra, bhakahöribhu.

Ruuka 21:13

Hayo niho mokubhöna omweya o kuraghani angʼana yaane.

Ruuka 4:41

Wiiki, Yesu akahëëbha emisambu mo‑bhaato bhaaru, gheghakuura gherabhugha, “Iye n‑Omoona o Ryobha onyi!” Ibheere Yesu aghaghehiinya na ghoghirëki ghetasiikëra wiiki gho kubha emisambu ghiyo ꞉ngiimënyiri kubha niwe Kirisito.

Ruuka 5:14

Yesu akamobhoorera akabhugha, “Otabhoorera omooto wowoose ghano gharweriire! Amare, nooghi wiyërëkani mo‑muchaama kubha nuhöriri na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Ruuka 8:56

Hano abhiibhori bhaache bharooche ghayo, bhakaroghoora chwee. Niho Yesu akabharëki akabhabhoorera akabhugha, “Motamobhoorera omooto wowoose amangʼana ghano ghaköruru hano.”

Ruuka 9:21

Niho Yesu akabhashaangʼi abhaanabheegha kubha, bhataacha kobhoorera omooto wowoose kubha iwe niwe Kirisito.

Yohana 5:41

Eni nteeghutabhara ghoghongibhu na abhaato.

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

Yohana 8:50

Eni nteeghwitabharera obhokumi bhoone obhokoro eni omwene, amare naanyi‑ho uno aghutabhara obhokumi bhoone obhokoro, wiiki niwe akubha omoteni o kiina o mahëënë.