Mataayo 8:18 - Eriiraghano Eriihë

¹⁸ Hano Yesu arooche kubha abhaato bhaaru bhakamwinaareri, akahatëka abhaanabheegha bhaache kubha bhatëënyë anyancha bhaghi amwambuko.

Mataayo 8:18 ပူးပေါင်းရင်းမြစ်များ

Mataayo 14:22

Hayo hayo, Yesu akabhahatëka abhaanabheegha bhaache kubha bhasöhë mo‑bhwato, bhakangate ghuye amwambuko o nyancha e Ghariraaya eriibhagha riyo iwe araragha erikinda re bhaato.

Mataayo 8:1

Hano Yesu ikiri mo‑gheghoro, erikinda ikoro re bhaato rekamutambana.

Maariko 4:35

Orosiko ruyo omughörööbha, Yesu akabhabhoorera abhaanabheegha bhaache akabhugha, “Ntutëënyë anyancha, tughëndë amwambuko.”

Maariko 5:21

Yesu na abhaanabheegha bhaache bhaghatëënya anyancha no obhwato ghugharuka amwambuko. Hano bhahikiri, erikinda ikoro re bhaato rekamusëëta rubhareka ro nyancha.

Maariko 6:45

Niho Yesu akahatëka abhaanabheegha bhaache bhasöhë mo‑bhwato, bhamukangate ghutëënya anyancha ghuye mo‑moghya o Bhetisaayita, eriibhagha riyo iwe naare araraghana ne erikinda riire re bhaato.

Maariko 8:13

Akabhatigha, aghasöha wiiki mo‑bhwato haghirohamu na abhaanabheegha bhaache. Bhaghasëëma orughëndö ghutëënya amwambuko o nyancha.

Ruuka 8:22

Orosiko rumu, Yesu aghatiira mo‑bhwato haghirohamu na abhaanabheegha bhaache, akabhabhoorera akabhugha, “Ntutëënyë anyancha tughëndë amwambuko.” Mbe, bhaghatanura.

Yohana 6:15

Yesu akamënya kubha abhaato bhaare ꞉mbëëndiri komughööta, na komotoora gho changuru kubha omutëmi waabho. Amare iwe aghatanura, aghaye wiiki a‑gheghoro omwene chiri.