Mataayo 8:16 - Eriiraghano Eriihë

¹⁶ Eriibhagha re mughörööbha, bhakamurëëtëra Yesu abhaato bhaaru bhano ꞉bhaare bhaghööturu ne emisambu. Nawe aghaghihëëbha emisambu ghiire kwo ngʼana yaache. Wiiki, akabhahöri bhoose bhano ꞉bhaare abhabhabharu.

Mataayo 8:16 ပူးပေါင်းရင်းမြစ်များ

Mataayo 12:22

Niho abhaato abhamu bhakaacha o‑Yesu no omooto umu uno are aghööturu no omusambu. Omusambu uyo nomuköriri abhe erimuumu no omohuku. Yesu akamuhöri omooto uyo, aghasëëma ghosiikëra na korighi wiiki.

Mataayo 14:14

Mbe, hano ikiri mo‑bhwato, akarerighi erikinda ikoro re bhaato, akabhaghwera ebheghongi, na akabhahöri abhabhabharu bhaabho.

Mataayo 8:15

Mbe, Yesu akamoturi mo‑kubhökö, hayo hayo akahöra ekihëënö kiire. Niho akabhooka, aghasëëma komuhökëri.

Mataayo 8:33

Hano abhariishi bha chambeechi bharooche ghayo, bhakangʼösëra mo‑moghya. Bhaghasëëma kobhabhoorera abhaato ghoose ghano ꞉ghaaköruru na gha bhaato bhaare ꞉bhaare ne emisambu.

Mataayo 9:2

Hayo abhaato abhande bhakaacha o‑Yesu no omooto uno akuure eribhaara, amisiri mo‑machëëra. Hano Yesu arooche obhokumi bhoobho, akamobhoorera omubhabharu uyo akabhugha, “Oo omoona waane, witoore omukörö! Amasari ghaacho ngaabhiiru.”

Maariko 2:3

Hano are araraghani, bhakaacha abhaato bhane, bhaghëghiri omooto uno akuure ribhaara mo‑machëëra.

Maariko 5:8

꞉Naabhughiri hangʼu gho kubha Yesu naare amobhooriire, “Iye omusambu omoru omooto uno!”

Maariko 9:25

Hano Yesu arooche kubha erikinda re bhaato ndekwëndërëra kwiyëngëra gho changuru, akawohiinya omusambu uyo, akabhugha, “Iye omusambu! Nokomuköra omoona uno abha erimuumu no omokiro. Ibheere ˆneghakuhatëka, nooru kwo mooto uno, no otasaki komusöhërëra konde.”

Ruuka 13:12

Hano Yesu amorooche, akamobherekera ache ghokooche, akamobhoorera akabhugha, “Yiima, obhubhabharu bhoocho bhookahöra, ibheere m‑muhöru onyi!”

Ruuka 4:40

Eriibhagha riyo eryobha ndeere reeghaye ghosikera. Mbaare‑ho abhaato bhano ꞉bhaare na abhabhabharu bhaabho, bhakamurëëtëra Yesu, abhabhabharu bhano ꞉bhaare na amashaagha haghare haghare. Yesu aghatoora amabhökö ghaache kwo mooto woose, akabhahöri.

Ruuka 4:41

Wiiki, Yesu akahëëbha emisambu mo‑bhaato bhaaru, gheghakuura gherabhugha, “Iye n‑Omoona o Ryobha onyi!” Ibheere Yesu aghaghehiinya na ghoghirëki ghetasiikëra wiiki gho kubha emisambu ghiyo ꞉ngiimënyiri kubha niwe Kirisito.

Amaköri gha Bhatomu 5:15

Ibheere kurëngʼaana ne ebhiraghe bhe bhatomu bhayo, abhaato mbaare bharabhahira abhabhabharu anche mo‑chanchëra. Abhabhabharu bhayo mbaare bharabharaari mo‑bhorere na mo‑mashëërö, kubha eriibhagha Bheetero akoheta, ekiriiri keeche kebhaturi abhamu bhahörë.