Mataayo 8:13 - Eriiraghano Eriihë

¹³ Mbe, Yesu akamobhoorera omokoro uyo akabhugha, “Nooghi aka! Ibhe kinya obhokumi bhoocho bhoonyi.” Omutamishi waache akahöra kwo riibhagha riyo riyo.

Mataayo 8:13 ပူးပေါင်းရင်းမြစ်များ

Mataayo 15:28

Yesu akamugharokeri akabhugha, “Oo omukari uno, noonyi no obhokumi bhokoro chwee! Eryobha reghukörërë kinya bhuno okwënda.” Hayo hayo, omuukë waache akahöra.

Mataayo 17:20

Nawe akabhagharokeri akabhugha, “Gho ghiri e bhokumi bhoonyu kubha bhosuuhu. Mahëënë ˆnekabhabhoorera, aribha moonyi no obhokumi bhoongʼana kinya akahëkë ka harataari, moghokebhoorera egheghoro kino kubha, ‘Nooru hano, ughëndë haare,’ kyose ngeeghuye. Gho ghayo, ghetaanyi‑ho egheghiro kino kengabhataamiri. [

Mataayo 8:4

Akamara Yesu akamobhoorera akabhugha, “Mööhi, otabhoorera omooto wowoose angʼana ino! Amare, nooghi wiyërëkani mo‑muchaama na koruusi amaruusi kinya emeghiro ghe Musa ghekwërëkërëri, kwërëki kubha nuhöriri.”

Mataayo 9:22

Hano ayeturiri, hayo hayo Yesu aghiishoorori. Mbe, hano amorooche omukari uyo, akamobhoorera akabhugha, “Oo omuukë waane, witoore omukörö! Obhokumi bhoocho ˆbhoghakuhöri!” Hayo hayo, omukari uyo akahöra.

Maariko 7:29

Yesu akamugharokeri akabhugha, “Hayo nobhughiri bhoheene. Mbe, nooghi, omusambu numariri komoru omuukë waacho.”

Maariko 9:23

Yesu akamugharokeri akabhugha, “Ngwake okobhugha kubha, ‘Aribha oghotora’? Ghoose ngaakubha kwo mooto uno akorekumi Eryobha.”

Yohana 4:50

Amare Yesu akamugharokeri akabhugha, “Nooghi, omoona waacho nahöriri.” Omukangati uyo aghaghakumi amangʼana gha Yesu, aghatanura ghuye awaache.