Mataayo 8:10 - Eriiraghano Eriihë

¹⁰ Hano Yesu oghwire amangʼana ghayo, akaroghoora chwee. Akabhabhoorera bhano ꞉bhaare bharamutambana akabhugha, “Mahëënë ˆnekabhabhoorera, ghate e Abhiisiraeri bhoose, ntiimara ndighi omooto wowoose uno anyi no obhokumi bhokoro bhonga bhuno!

Mataayo 8:10 ပူးပေါင်းရင်းမြစ်များ

Mataayo 15:28

Yesu akamugharokeri akabhugha, “Oo omukari uno, noonyi no obhokumi bhokoro chwee! Eryobha reghukörërë kinya bhuno okwënda.” Hayo hayo, omuukë waache akahöra.

Mataayo 8:11

ˆNekabhabhoorera kubha abhaato bhaaru mbaakoru chambaara choose che se na ghusöha mo‑bhutëmi bho Mwishaaro. Mbakuucha kuraaghëra haghirohamu na Abhurahamu na Isaka na Yakobho.

Mataayo 8:9

Koru eni woose neenyi haase e bhukangati. Wiiki, neenyi na abhaashirikare bhano bhaanyi haase yaane. Neramobhoorera umu kubha, ‘Nooghi,’ hayo hayo aghi. Wiiki, neramobhoorera owonde kubha, ‘Nuuche,’ hayo hayo acha. No omusësë waane neramobhoorera, ‘Ukörë hangʼu,’ woose nibhu aghuköra.”

Maariko 6:6

Akaroghoora chwee gho kubha bhataare no obhokumi koru hasuuhu. Akamara Yesu akabha ariinaara mo‑bhyaro bhe haghuhe kobheeghi abhaato.

Ruuka 5:20

Hano Yesu arooche obhokumi bhuno ꞉bhaare nabho abhaato bhayo, akamobhoorera akabhugha, “Oo omusaani, amasari ghaacho ngaabhiiru!”

Ruuka 7:50

Hayo, Yesu akamobhoorera omukari uyo, “Obhokumi bhoocho ˆbhoghakuhöri! Nooghi kwo murëmbë.”

Ruuka 7:9

Hano Yesu oghwire ghayo, akamoroghoora chwee. Aghiishoororeri erikinda re bhaato bhano ꞉bhaare bharamutambana, akabhabhoorera, “Mbe, ˆnekabhabhoorera, koru mo‑Bhiisiraeri bhoose, nkeere ntiimara ndighi omooto wowoose uno anyi no obhokumi obhokoro bhonga bhuno!”

Amaköri gha Bhatomu 2:7

Ghayo ghakabharoghoori na kuhagha chwee, bhakabhugha, “Mutëghëërërë! Bhano bhaghosiikëra hangʼu, bhoose m‑Bhaghariraaya!