Mataayo 7:7 - Eriiraghano Eriihë

⁷ “Musabhe Eryobha na niinyu mokuhaabhu. Mutabhare na niinyu mokubhöna, moraköngʼööta eghisëku moghwighoreru,

Mataayo 7:7 ပူးပေါင်းရင်းမြစ်များ

Mataayo 18:19

Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra.

Mataayo 21:22

Aribha moonyi no obhokumi, ghyokyose kino moghusabha Eryobha, ndekobhaha.”

Mataayo 6:33

Amare, inyu mutabhare singa obhutëmi bho Ryobha na ghuköra ghano rekwënda ambërë yaache, na aghande ghoose ghayo ndëköbhëëngërëërëri.

Mataayo 7:11

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha ebhichömu bhoose bhano bhakomusabha!

Mataayo 7:8

gho kubha omooto wowoose uno aghusabha, Eryobha ndekomuha, wowoose uno aghutabhara, Eryobha ndekomuha. Wiiki, wowoose uno aghuköngʼööta eghisëku, Eryobha ndekomwighorera orwighe.

Maariko 11:24

Gho hayo ˆnekabhabhoorera kubha, hano moghusabha ghyokyose, mubhe no obhokumi kubha mokebhwine, na moghokibhöna.

Ruuka 13:25

Hano omwene aka aghwighara ekehita, inyu moghusaagha mwimeeriire anche, moghusëëma ghuköngʼööta ekehita na ghusabha morabhugha, ‘Oo Omutëmi, notwighorere.’ Amare nakobhagharokeri abhughe, ‘Ntebheeche inyu! Ntyeche hayi morweriire!’

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 3:11

Taanyi‑ho omooto uno akumënya amangʼana gha Ryobha, wiiki taanyi‑ho uno aghutabhara korimënya.

Abheebhuraaniya 11:6

Taanyi‑ho omooto uno aghotora koretegheri Eryobha aribha ataanyi no obhokumi. Omooto woose uno akwënda korisëngëra Eryobha, nakwëndëru ghokumi kubha Eryobha ndeenyi‑ho, na kubha ndekobhaha atuho bhano bhaghwiköngʼi koritabhara.

Yakobho 5:15

Nabho bharamusabhera kwo bhokumi, nakuhöra. Omutëmi nakomobhooki, na erabha aköriri amasari, nakwabhëru.

1 Yohana 3:22

Wiiki ghyokyose kino tokorisabha ndeghotuha, gho kubha ntoghoghesooka emeghiro gheeche na ghuköra ghano ghakorichömëri.