Mataayo 7:21 - Eriiraghano Eriihë

²¹ “Taanyi omooto woose uno akomboorera, ‘Oo Omutëmi, oo Omutëmi,’ uno aghusöha mo‑bhutëmi bho Mwishaaro. Amare omooto uno aghuköra amiigha gha Taata waane uno anyi Mwishaaro, uyo, niwe aghusöha.

Mataayo 7:21 ပူးပေါင်းရင်းမြစ်များ

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 18:10

Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Mataayo 18:19

Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra.

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

Mataayo 18:35

Akamara, Yesu aghasiikëra akabhugha, “Taata waane uno anyi Mwishaaro nakobhakörëra na niinyu kinya bhuure bhuure, erabha mokwanga kwabhëra omokumi mughëndi waanyu kwo metema gheenyu ghyose.”

Mataayo 19:24

ˆNekabhabhoorera wiiki kubha, n‑kohoho angamiya koheta mwibhanga re roshintani, ghokera omwame ghusöha mo‑bhutëmi bho Ryobha.”

Mataayo 25:10

“Mbe, abhaghëëghë bhayo bhaghatanura ghuye ghoghora amaghuta. Hano bhaghiire, omokwiri akaacha. Abhaakë bhano bhaanyi na amangʼiini bhano ꞉bhaare bhiisëëmiri bhoheene, bhaghasöha haghirohamu nawe mo‑nyumba ino eriirugha reere rerakörëru. Akamara omooto umu aghiighara orwighe.

Mataayo 25:21

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Mataayo 26:39

Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Maariko 3:35

Gho kubha omooto wowoose uno aghuköra ghano ghaanyi amiigha gha Eryobha, uyo niwe omwito na niwe yiima.”

Maariko 9:47

Wiiki, aribha n‑eriiso reecho reghughëri ukörë amasari, oreruusi. N‑ngʼoni usöhë mo‑bhutëmi bho Ryobha onyi ne eghitöngʼö, ghokera kubha na amiisho abhere, na kurëkëru mwiribha re mororo.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Ruuka 13:25

Hano omwene aka aghwighara ekehita, inyu moghusaagha mwimeeriire anche, moghusëëma ghuköngʼööta ekehita na ghusabha morabhugha, ‘Oo Omutëmi, notwighorere.’ Amare nakobhagharokeri abhughe, ‘Ntebheeche inyu! Ntyeche hayi morweriire!’

Ruuka 18:25

N‑kohoho angamiya koheta mwibhanga re roshintani, ghokera omwame ghusöha mo‑bhutëmi bho Ryobha!”

Ruuka 6:46

“Ngwake mokomberekera, ‘Omutëmi, Omutëmi,’ amare amangʼana ghano ˆnekabhabhoorera, motaaghoghaköra?

Yohana 14:7

Erabha mongamënyiri eni, mongamumënyiri na Taata waane. Korwera ibheere, momweche, wiiki momorooche.”

Yohana 15:23

Omooto wowoose uno andëghiri eni, namurëghiri na Taata waane.

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 2:13

Mbaghoteneru ekiina, gho kubha Eryobha retaakomubharera obhuhëënë omooto uno akooghu emeghiro ghiyo okwene, amare n‑kwo uno aghuköra ghano emeghiro ghekwërëkërëri ghuköra.

Abhaebheeso 6:6

Hano mookubha moraköra hangʼu, etabha kwo riibhagha rino bhakobharighi, kubha mwichömi ghokoobho. Amare, mobhasooke kinya abhasësë bha Kirisito, mubhe moraköra amënda gha Ryobha gho körö imu.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

1 Abhatesaronike 4:3

Eryobha ndekwënda mubhe abhatööbhiyu, motighe ghuköra obhutaari.

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

Abheebhuraaniya 4:6

Nangabha bhasookoro bhiito ꞉bhaare a bhambërë kooghu angʼana anchömu e koweera, koru hangʼu bhataatoriri ghusöha ahaghiro hayo gho kubha bhataare bharaghakumi ghano Eryobha reere rerabhugha. Kurëngʼaana na amangʼana ghayo, noonyi‑ho omweya o bhaato abhande ghusöha ahaghiro hayo ha koweera.

Yakobho 1:22

Wiiki motabha moringʼiina gho ghutëghëërëra okwene angʼana e Ryobha, amare mukörë kinya ekobhugha.

1 Bheetero 2:15

Eryobha ndekwënda, mubhe moraköra amangʼana amachömu, kubha mobhakiri abharaghaanu bhano bhateeche amangʼana ghaache.

1 Bheetero 4:2

Gho nchëra iyo, eriimanya reeche ryose rino risaaghiri, nakumanya kurëngʼaana na bhuno Eryobha rekwënda, taanyi gho ghutambana amiigha gha bhaato.

Obhohunyurëru 2:27

Nakobhakangata kwo himbo e kyoma, nakobhaati kinya anyongo.” Nakubhöna obhotoro kinya bhuure eni ꞉niihaabhuru na Taata waane.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

Obhohunyurëru 3:5

Omooto wowoose uno aghokinda amasaki, nekomobheeki changibho echeero kinya bhayo. Nteekoruusi naabha eriina reeche mo‑Ghitabhu ke Bhuhöru. Amare neghosiikëra haheero ambërë e Taata na bhamarayika bhaache kubha uno n‑o waane.