Mataayo 7:15 - Eriiraghano Eriihë

¹⁵ “Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Mataayo 7:15 ပူးပေါင်းရင်းမြစ်များ

Mataayo 10:17

Mubhe miisho na abhaato, gho kubha mbakobhahira mo‑mabharacha, wiiki mbakobhatëma mo‑masinaghooghi ghaabho.

Mataayo 16:11

Neke motamënyiri kubha nteere nerasiikërëra emighaate? Mbe, mwikabhaahe no bhotondoru bho Amabharisaayo na Amasatukaayo.”

Mataayo 16:6

Yesu akabhabhoorera akabhugha, “Mubhe amiisho no obhotondoru bho Mabharisaayo na Amasatukaayo.”

Mataayo 24:11

“Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

Mataayo 7:14

Amare ekehita kino ghekwërëkëra mo‑bhuhöru n‑gheghute, na anchëra e kwërëkëra iyo n‑inkërëghësö, n‑abhaato bharëngʼaaneru hangʼu bhano bhaghotora koyimënya anchëra iyo.

Ruuka 12:15

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”

Ruuka 6:26

Horeera mokorighi inyu, bhano abhaato bhoose bhakobhaghongi, gho kubha, koru na bhasookoro bhaabho, hangʼu ꞉bhaaköriire abharööti bha bhuröngö. Mbe, motaakubhöna atuho Mwishaaro.

Yohana 10:12

Omooto uno akorehu taanyi omoriishi, wiiki changʼöndu taanyi cheeche. Aribha ararighi asuuche eraacha, nakungʼösa na ghotigha changʼöndu echeene chiri. Mbe, asuuche nehachighööta echimu, ne echende neghochisanchani.

Amaköri gha Bhatomu 13:40

Mbe, mwichonge bhoheene ghataacha kobhabhöna ghano ꞉ghaasiikiiru na abharööti,

Amaköri gha Bhatomu 13:6

Bhaachekumara koheta ahaghiro hoose ha mo‑gheghinga ghe Kiibhuro, bhaaghaye mo‑moghya o Bhaafo. Bhaghatëmëërana no Omuyahuuti umu omoturutumbi, eriina reeche Bhaari‑Yesu. Omooto uyo naare ariiköri kubha m‑murööti o Ryobha.

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhabhiribhi 3:2

Ibheere mubhe miisho na abheeghi bhaare bhaghusöhi emeghiro ghe Kiyahuuti mo‑makanisa ghiito, ibho n‑abhaköri bha mabhe, ibho mbaghokumereri ighoro e saaro.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

2 Bheetero 3:17

Mbe, inyu abhasiighani bhaane, mumariri kumënya amangʼana gha bheeghi bhayo abharöngö. Ibheere mwikabhaahe kubha motangʼiinu na amasari gha bhaato bhayo abhiigharori, na bhabharumeeri na ghotigha omurëmbë o bhokumi bhoonyu.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Obhohunyurëru 16:13

Niho nekarighi emisambu etato ghino ꞉gheetuubhiine ne ebhyora. Umu okaru mo‑monu o oghuchöka, no wonde okaru mo‑monu o ghotyenyi ghuure, no wonde okaru mo‑monu o murööti wuure o bhuröngö.

Obhohunyurëru 17:6

Nekarighi omukari uyo arëëwuru gho kunyo amasaahë gha bhatööbhiyu bhano bhiituru gho kubha mbaare abhiibhateri bha Yesu. Hano nemorooche, nekaroghoora chwee.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.