Mataayo 7:14 - Eriiraghano Eriihë

¹⁴ Amare ekehita kino ghekwërëkëra mo‑bhuhöru n‑gheghute, na anchëra e kwërëkëra iyo n‑inkërëghësö, n‑abhaato bharëngʼaaneru hangʼu bhano bhaghotora koyimënya anchëra iyo.

Mataayo 7:14 ပူးပေါင်းရင်းမြစ်များ

Mataayo 20:16

Yesu akabhugha wiiki, “Gho ghayo, abhaato bhano bhaanyi abhaanyuma ibheere, mbaakubha a bhambërë, na bhano bhaanyi a bhambërë, mbaakubha abhaanyuma.”

Mataayo 22:14

Yesu akamareereri gho kobhugha, “Eryobha ndekobhabherekera abhaato bhaaru ghusöha mo‑bhutëmi bhooche, amare m‑bhasuuhu bhano bhaahwiru ghusöha.”

Mataayo 7:13

“Musöhë gho kohetera mo‑kehita egheghute, gho kubha ekehita eghighare ngekwërëkëra mo‑ghosireekerera, na anchëra e kwërëkëra iyo n‑ingare chwee. Wiiki, abhaato bhano bhakohetera‑mu, m‑bhaaru.

Mataayo 7:15

“Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Maariko 8:34

Akabherekera erikinda re bhaato haghirohamu na abhaanabheegha bhaache, akabhabhoorera akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 9:32

Ngwake bhatabhariiru kubha mbaanyi no obhuhëënë ambërë e Ryobha? N‑gho kubha ꞉mbiitëngʼiire amaköri ghaabho na bhataamokumiri Kirisito. Kirisito niwe eriibhohe rino ꞉bhiituurirituuriri,