Mataayo 6:7 - Eriiraghano Eriihë

⁷ “Wiiki, eriibhagha moghusabha kwo Ryobha, motabha moraroghoyaroghoya kinya bhahaaköra bhano bhataakorekumi Eryobha. Ibho mbakwihëëbha kubha mbaghutëghëërëru kwo mangʼana ghaabho amaaru.

Mataayo 6:7 ပူးပေါင်းရင်းမြစ်များ

Mataayo 18:17

Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.

Mataayo 26:39

Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Mataayo 26:44

Yesu akabhatigha wiiki, aghaye ghusabha Eryobha mara e ghatato, aghagharukera kobhugha amangʼana ghaare ghaare.

Mataayo 6:32

Nekobhugha hangʼu gho kubha, bhoose bhano bhataryeche Eryobha mbahaaköra ghayo ghayo, na Taata waanyu uno anyi Mwishaaro neeche bhoheene kubha mokobhyënda.

Amaköri gha Bhatomu 19:34

Hano bhamënyiri kubha m‑Muyahuuti, hayo hayo bhoose bhaghasëëma ghuköra eriireghe kwo riiraka rimu, bharabhugha, “Aritemi o Bhaebheeso niwe omokoro!” Bhakamara kinya amasa abhere, bharaköra riireghe hangʼu hangʼu.