Mataayo 6:5 - Eriiraghano Eriihë

⁵ “Hano moghusabha Eryobha, motabha kinya chaghughuuti, gho kubha ibho mbasiighiri ghusabha Eryobha ino bhiimeeriire, mo‑masinaghooghi, na mo‑chanchëra chino cheheteriine kubha abhaato bhabharighi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 6:5 ပူးပေါင်းရင်းမြစ်များ

Mataayo 21:22

Aribha moonyi no obhokumi, ghyokyose kino moghusabha Eryobha, ndekobhaha.”

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Mataayo 23:6

Orosiko ro nyangi, mbasiighiri chwee ghwikara mo‑bhetumbe bhe bhaghëni bhano bhaanyi bha sooko. Koru mo‑masinaghooghi ghaabho, mbasiighiri ghwikara mo‑bhetumbe bhe mbërë bhe sooko.

Mataayo 6:1

“Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 6:16

“Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:2

Mbe, hano okobhatoori abhahabhe, otirondi kubha wiyërëkani kinya chaghughuuti chehaaköra mo‑masinaghooghi, na mo‑chanchëra kubha abhaato bhabhatöghösi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 9:38

Ibheere, musabhe omwene omoghondo atome abhaghësi abhande mo‑moghondo waache.”

Maariko 11:25

Amare hano moghusabha, momwabhërë omooto wowoose uno abhatasiiri. Niho Iso waanyu uno anyi Mwishaaro akobhaabhëra na niinyu amasari ghaanyu. [

Maariko 12:38

Yesu akabhabhoorera abhaato mo‑meeghi ghaache kubha, “Mwikabhaahe na abheeghi bha meghiro. Mbasiighiri ghughënda bhabheekiri chandachana cheebho indë, na ghukëëribhu gho sooko mo‑mitëëra.

Ruuka 11:43

“Horeera mokorighi, inyu Amabharisaayo, gho kubha mosiighiri ghwikara mo‑bhetumbe bhe mbërë bhe sooko mo‑masinaghooghi, wiiki mosiighiri ghukëëribhu gho sooko mo‑mitëëra.

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Ruuka 18:13

“Amare omutöbhi uyo o righööti, akiimeerera kurë hasuuhu, koru tëëndiri ghugharaamereri Mwishaaro, amare akabha ariitëmatëma mo‑ghekubha keeche kwo macheeche, arabhugha, ‘Eryobha, rendigheri changori! Eni m‑mooto o masari neenyi!’”

Ruuka 20:47

Mbakobhahöka abhasino chanyumba cheebho! Wiiki, mbaghwiköri n‑abhaato bhaghöröröku gho ghusabha amasabhi marë ambërë e bhaato. Abhaato bhanga bhayo, Eryobha ndekobhatenera ekiina ghokera abhande!”

Ruuka 6:24

Amare inyu abhaame, horeera mokorighi, aghareeya yaanyu mumariri koyibhöna.

Yohana 16:24

Mbagha ibheere, motaamara musabha Eryobha ghyokyose gho kohetera eriina reene. Musabhe Eryobha na niinyu mokuhaabhu, kubha ghuchömëru koonyu kohikeerane.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

1 Abhatesaronike 5:17

wiiki mubhe morasabha motatigha naabha.

Yakobho 4:6

Amare, aghareeya ino tokuhaabhu ne Eryobha neenyi na changuru chwee, kinya Amandëkö Amatööbhiyu ghakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”