Mataayo 6:34 - Eriiraghano Eriihë

³⁴ “Mbe, motiinyaaki ighoro e tabhoori gho kubha tabhoori nekwinyaakera eyeene. Orosiko roose ndoonyi na anyaako yaache.

Mataayo 6:34 ပူးပေါင်းရင်းမြစ်များ

Mataayo 6:11

Otuhë reero amënda ghiito.

Mataayo 6:25

“Mbe, ˆnekabhabhoorera, motanyaakera eriimanya reenyu kubha neke mookurë, hamu neke mookunyo, hamu kubha neke mokobheeka. Kana, obhuhöru bhotaaghokera ebhiinyakurë, no omobhere tooghokera changibho?

Mataayo 6:27

N‑niwe ghate yaanyu uno aghotora gho kwinyaaki kooche, kwiyëngëra obhuhöru bhooche koru gho sa imu?

Ruuka 10:41

Amare Omutëmi akamugharokeri, “Oo Marita, Marita! Nokunyaaka no okwirighora gho ghiri e bheghiro bhyaru.

Ruuka 11:3

Otuhë chaasiko choose amënda ghiito.

Ruuka 12:11

“Hano mokohiru mo‑masinaghooghi, na ambërë e bhakangati, na bhano bhaanyi no obhotoro, koru hangʼu motanyaaka ighoro e ghano mokobhugha gho ghwitachura.

Ruuka 12:22

Akamara Yesu, akabhabhoorera abhaanabheegha bhaache akabhugha, “Mbe, ˆnekabhabhoorera, motanyaakera eriimanya reenyu, kubha neke mookurë, hamu kubha neke mokobheeka.

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Abhabhiribhi 4:6

Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.

1 Bheetero 5:7

Moretighere Eryobha ahaho yaanyu yoose, gho kubha ndekobhatereera chwee.