Mataayo 6:2 - Eriiraghano Eriihë

² Mbe, hano okobhatoori abhahabhe, otirondi kubha wiyërëkani kinya chaghughuuti chehaaköra mo‑masinaghooghi, na mo‑chanchëra kubha abhaato bhabhatöghösi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 6:2 ပူးပေါင်းရင်းမြစ်များ

Mataayo 15:7

Inyu n‑chaghughuuti moonyi! Eryobha ꞉ndeebhughiri obhuhëënë ighoro yaanyu gho kohetera omurööti Isaaya kubha,

Mataayo 16:3

Amare hano bhooghuke mosiikëra mobhugha, ‘Reero ambura neghutëëka e bhukama gho kubha eriighoro ndirabhwire wiiki amashaaro ngaariri.’ Inyu n‑chaghughuuti moonyi, mokumënya ebhyërëkërëri bhe mwishaaro, amare motaaghotora kumënya ekyërëkërëri ke mabhagha ghano.]

Mataayo 22:18

Amare Yesu ꞉naamënyiri amiihëëbhö ghaabho amabhe, akabhagharokeri akabhugha, “Inyu n‑chaghughuuti moonyi, ngwake mokwënda ghuntëgha?

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Mataayo 23:6

Orosiko ro nyangi, mbasiighiri chwee ghwikara mo‑bhetumbe bhe bhaghëni bhano bhaanyi bha sooko. Koru mo‑masinaghooghi ghaabho, mbasiighiri ghwikara mo‑bhetumbe bhe mbërë bhe sooko.

Mataayo 24:51

Niho omutëmi wuure akomurööna na komutëma anchagho inkoro na komurëkëra hano chaghughuuti cheenyi. Iyo niho abhaato bhayo bhakorera na ghukararaati amiino gho ghiri e bhuhëmbërëra bhuhaari.”

Mataayo 5:18

Mahëënë ˆnekabhabhoorera, mbagha eriibhagha rino erishaaro na ase bhekoheta, ghetaanyi‑ho ekingʼöchö koru eryandëkö rimu isuuhu re meghiro ghe Musa rino rekoruusibhu, mbagha ghano ghoose ghahikeerane.

Mataayo 6:16

“Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:3

Amare iye eriibhagha okobhatoori abhahabhe, okubhökö koocho gho kumosi ghotamënya ghano okubhökö gho kwiro ghoghuköra,

Mataayo 6:5

“Hano moghusabha Eryobha, motabha kinya chaghughuuti, gho kubha ibho mbasiighiri ghusabha Eryobha ino bhiimeeriire, mo‑masinaghooghi, na mo‑chanchëra chino cheheteriine kubha abhaato bhabharighi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 7:5

Mobhe onyi iye! Oruusi singa eghisaara kino keenyi mo‑riiso reecho, niho oghotora korighi bhoheene koruusi aghasaara kano kaanyi mo‑riiso re mughëndi waacho!

Maariko 12:39

Wiiki mo‑masinaghooghi, mbasiighiri ghwikara mo‑bhetumbe bhe mbërë, na aribha bharaghiinu mo‑nyangi, mbasiighiri ghwikara hano abhakangati bhiikeere.

Maariko 7:6

Yesu akabhagharokeri akabhugha, “Inyu n‑chaghughuuti moonyi. Eryobha ꞉ndeebhughiri obhuhëënë ighoro yaanyu gho kohetera amandëkö gha murööti Isaaya kubha, ‘Abhaato bhano mbaghonsooka kwo mangʼana agheene hangʼu, amare emetema gheebho n‑kurë gheenyi na neeni.

Ruuka 11:41

Mbe, mobhakörërë amachömu abhahabhe kwo metema gheenyu ghyose, niho bhyose bheekubha bhemusuru gho ghiri yaanyu.

Ruuka 11:43

“Horeera mokorighi, inyu Amabharisaayo, gho kubha mosiighiri ghwikara mo‑bhetumbe bhe mbërë bhe sooko mo‑masinaghooghi, wiiki mosiighiri ghukëëribhu gho sooko mo‑mitëëra.

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Ruuka 12:56

Inyu m‑bharöngö moonyi! Mokumënya bhoheene ebhyërëkërëri bhe mwishaaro na bhe se. Mbe! Ngwake kana mokwanga kumënya ekyërëkërëri ke mangʼana ghano ghakorwera chaasiko chino?

Ruuka 13:15

Omutëmi akamugharokeri, “Inyu m‑bharöngö moonyi! Inyu bhoose moghuköra emeremo mo‑rosiko ro Riikane. Taanyi‑ho mooto wowoose, aghoshookorera angʼömbë yaache hamu atikere yaache koru a‑mowaara, ayehire kunyo amanche, nangabha roonyi orosiko ro Riikane?

Ruuka 20:46

“Mwikabhaahe na abheeghi bha meghiro! Mbasiighiri ghughënda bhabheekiri chandachana cheebho indë, na ghukëëribhu gho sooko mo‑mitëëra. Wiiki mo‑masinaghooghi, mbasiighiri ghwikara mo‑bhetumbe bhe mbërë, na aribha bharaghiinu mo‑nyangi, mbasiighiri ghwikara hano abhakangati bhiikeere.

Ruuka 6:24

Amare inyu abhaame, horeera mokorighi, aghareeya yaanyu mumariri koyibhöna.

Ruuka 6:42

Wiiki nibhu oghotora komobhoorera omughëndi waacho, ‘Oo mohiiri waane, tigha nekaruusi aghasaara kano kaanyi mo‑riiso reecho,’ eriibhagha iye mwene noonyi ne eghisaara mo‑riiso reecho? Mobhe onyi iye! Oruusi singa eghisaara kino keenyi mo‑riiso reecho, niho oghotora korighi bhoheene koruusi aghasaara mo‑riiso re mughëndi waacho.

Yohana 13:29

Abhamu ꞉mbiituuriri kubha Yesu namobhooriire kubha, aghore bhino bhekwëndëru mo‑nyangi, hamu abhahë abhahabhe chambiiri indengʼaaneru, gho kubha Yuuta niwe are omotindeki o riighöchi re chambiiri.

Yohana 5:41

Eni nteeghutabhara ghoghongibhu na abhaato.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

Amaköri gha Bhatomu 10:2

Naare arasëngëra Eryobha, na araresooka, haghirohamu na abhaato bhoose bha mo‑ka yaache. Naare arasabha Eryobha eriibhagha ryose. Haghirohamu na ghayo, naare arabhatoori chwee Abhayahuuti bhano ꞉bhaare abhahabhe.

Amaköri gha Bhatomu 10:31

Akamboorera akabhugha, ‘Korineeriyo, Eryobha ndyoghwire amasabhi ghaacho, nderooche kinya oghusakeri abhahabhe.

Amaköri gha Bhatomu 10:4

Korineeriyo akamumööhërëri marayika uyo kwo bhotiini, akamobhoori akabhugha, “Omutëmi, neke ˆghekabhönëka?” Marayika uyo akamugharokeri akabhugha, “Eryobha ndyoghwire amasabhi ghaacho, na nderooche kebhuno oghusakeri abhahabhe. Ghayo ghoose, Eryobha ndeghokohiita iyo Mwishaaro.

Amaköri gha Bhatomu 11:29

Kurëngʼaana no obhurööti bhuyo, abhaghëndi bhaghiishererani omooto woose, kurëngʼaana no obhotoro bhooche, aruusi ghyokyose gho ghiri e Bhakirisito abhaghëndi bhaabho bhano bhamanyiri mo‑mukööwa o Yuteya.

Amaköri gha Bhatomu 24:17

“Mbe, ghiiche koheta emeeka myaru neghagharuka Yerusareemu, gho ghiri nebharëëtërë abhahabhe bha ritöngö reene ebheghiro bhe kobhatoori, na koruusi amaruusi kwo Waryobha.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

Abharuumi 12:8

Omooto uno ahaabhuru ekihaano ghe ghughambisani bhaghëndi bhaache, akörë hangʼu. Omooto uno ahaabhuru ekihaano ghe ghusambaarukera abhaato, abhasambaarukere kwo mukörö mwero. Omooto uno ahaabhuru ekihaano ghe ghukangata, akangate gho ghwiköngʼi chwee. Wiiki omooto uno ahaabhuru ekihaano ke bheghongi, abharigheri ebheghongi abhaato gho ghuchömëru.

1 Abhakorinto 13:3

Wiiki neraruusi obhwame bhoone bhoose na kobhaha abhahabhe, na koru neraruusi omobhere waane kubha weekibhu mo‑mororo, amare aribha ntighöötë obhosiighi, nteekubhöna egheghiro ghyokyose.

Abhagharatiya 2:10

Abhakangati bhayo mbatusabhiri angʼana imu hangʼu kubha, tubhe torahiita abhahabhe bhano bhaanyi ghate e bhakumi bha iyo Yerusareemu. Na neeni neghwiköngʼi chwee ghuköra angʼana iyo.

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

1 Abhatesaronike 2:6

Wiiki totaare törëënda kubha abhaato bhatoghongi, koru inyu, koru na abhaato abhande bhoose. Mbe, gho kubha itu n‑abhatomu bha Kirisito toonyi, ntongatoriri kwënda ebheghiro nyarebhe koru ghokoonyu, amare totaaköriri hangʼu.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Bhiremooni 1:7

Mohiiri waane, obhosiighi bhoocho mboheere ghuchömëru kwaru na ghunköngʼi chwee, gho kubha emetema ghe bhatööbhiyu ngisambaarokuru chwee gho ghiri yaacho.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.