Mataayo 6:16 - Eriiraghano Eriihë

¹⁶ “Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:16 ပူးပေါင်းရင်းမြစ်များ

Mataayo 6:1

“Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 6:2

Mbe, hano okobhatoori abhahabhe, otirondi kubha wiyërëkani kinya chaghughuuti chehaaköra mo‑masinaghooghi, na mo‑chanchëra kubha abhaato bhabhatöghösi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 6:5

“Hano moghusabha Eryobha, motabha kinya chaghughuuti, gho kubha ibho mbasiighiri ghusabha Eryobha ino bhiimeeriire, mo‑masinaghooghi, na mo‑chanchëra chino cheheteriine kubha abhaato bhabharighi. Mahëënë ˆnekabhabhoorera, bhayo mbamariri kubhöna atuho yaabho.

Maariko 2:18

Eriibhagha nyarebhe, abhaanabheegha bha Yohana Omubhatisaachi haghirohamu na Amabharisaayo mbaare bhariiyima ebhiinyakurë. Abhaato abhamu bhaaghaye o‑Yesu, bhakamobhoori bhakabhugha, “Kana abhaanabheegha bha Yohana na bha Mabharisaayo mbahiiyima ebhiinyakurë, amare abhaanabheegha bhaacho neke bhataakwiyima ebhiinyakurë?”

Ruuka 18:12

Nekwiyima ebhiinyakurë mara kabhere kwo wiiki, na kwo bheghiro bhyose bhino nekubhöna, nehaaruusi imu ghwi ikomi.’

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

Amaköri gha Bhatomu 10:30

Korineeriyo akamobhoorera, “Chaasiko ishato chino chehetiri, neere mo‑ka yaane nerarisabha Eryobha, eriibhagha kinya rino re chaasa kende che mwishe. Hayo hayo nekarighi omooto imeeriire ambërë yaane abheekiri amaghööti gha kurëngaari.

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

1 Abhakorinto 7:5

Motiimana, nanyinga aribha mwishereriini ghuköra hangʼu kwo riibhagha ighuhe, kubha mubhönë omweya muchömu o ghusabha kwo Waryobha. Moramara, mugharukerane wiiki, kubha Erishambu retaacha kobhasaki mukörë obhutaari gho kubha motaaghotora ghoghumereri.

2 Abhakorinto 11:27

Niköriri emeremo emiköngʼu na kunyaaka, na mara kaaru nebhoriri chandöörö, na nitëmuru na anchëra na anyööta, mara kaaru ntebhwine ekiinyakurë, na niikeere mo‑nyighita netaanyi na changibho che mbeho.

2 Abhakorinto 6:5

Ntutëmuru, na ntubhöhuru mo‑maghërëcha, na ntuchëëruru na amakinda gha bhaato, na ntuköriri emeremo miköngʼu, na ntobhoriri chandöörö ne ebhiinyakurë.