Mataayo 6:12 - Eriiraghano Eriihë

¹² Otwabhërë chasiire chiito, kinya na niitu bhoose tohaabhaabhëra abhasiire bhiito.

Mataayo 6:12 ပူးပေါင်းရင်းမြစ်များ

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Mataayo 9:2

Hayo abhaato abhande bhakaacha o‑Yesu no omooto uno akuure eribhaara, amisiri mo‑machëëra. Hano Yesu arooche obhokumi bhoobho, akamobhoorera omubhabharu uyo akabhugha, “Oo omoona waane, witoore omukörö! Amasari ghaacho ngaabhiiru.”

Maariko 11:25

Amare hano moghusabha, momwabhërë omooto wowoose uno abhatasiiri. Niho Iso waanyu uno anyi Mwishaaro akobhaabhëra na niinyu amasari ghaanyu. [

Ruuka 11:4

Otwabhërë amasari ghiito, kinya tokwabhëra bhano bhaghotutaaseri. Wiiki otatusöhi mo‑masaki, [amare ototoori no Omobhisa wuure].’”

Ruuka 13:4

Mohiite abhaato bhaare ikomi na bhanaane bhano ꞉bhaaghweriiru no omunara iyo Sirowamu. Kana, moghwituuri kubha ibho nibho ꞉bhaare na amasari ghokera abhiikari abhande bhoose bha Yerusareemu?

Ruuka 6:37

“Motatenera ekiina abhande, niho na niinyu motaacha ghoteneru ekiina ne Eryobha. Inyu motiihiima abhande, niho motaakwihiimu. Mwabhërë abhaato bhano bhabhatasiiri, niho na inyu mokwabhëru.

Amaköri gha Bhatomu 13:38

“Gho ghayo, bhahiiri bhaane, mutëghëërërë! Ntokobharaghaneri kubha, gho kohetera Yesu abhaato mbakwabhëru amasari ghaabho.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhakorosaayi 3:13

Moghumererani inyu bheene kwo bheene na kwabhërana. Aribha umu ghate yaanyu naanyi na angʼana kwo mughëndi, mokwëndëru mwabhërane kinya bhuno Omutëmi Yesu abhaabhiire inyu.