Mataayo 6:1 - Eriiraghano Eriihë

¹ “Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 6:1 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:6

Yesu akabhabhoorera akabhugha, “Mubhe amiisho no obhotondoru bho Mabharisaayo na Amasatukaayo.”

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Mataayo 5:46

Aribha morasiigha bhano bhabhasiighiri abheene, mokubhöna bhwëra ke? Koru abhatöbhi bha righööti mbahaasiigha bhano bhabhasiighiri abheene!

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Mataayo 6:16

“Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:9

Mbe, inyu musabhe Eryobha morabhugha, ‘Taata wiito uno onyi Mwishaaro, eriina reecho reghongibhu.

Maariko 8:15

Yesu akabhashaangʼi akabhugha, “Mubhe amiisho no obhotondoru bho Mabharisaayo na bho mutëmi Herote Antibha.”

Ruuka 11:35

Mbe, numööhi emirëngaari ghino gheenyi moose yaacho, ghetaacha kubha ekengʼuuri!

Ruuka 12:1

Eriibhagha riyo, ebheku bhe bhaato mbaare bhiikomiine, kerende bhaakabha bharatachana. Yesu aghasëëma kobhabhoorera abhaanabheegha bhaache singa arabhugha, “Mubhe amiisho no obhotondoru bho Mabharisaayo, gho kubha obhotondoru bhuyo m‑bhonga aghughuuti.

Ruuka 12:15

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Yohana 12:43

Abhakangati bhayo ꞉mbaasiighiri chwee ghoghongibhu na abhaato, ghokera ghoghongibhu ne Eryobha.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Amaköri gha Bhatomu 3:12

Hano Bheetero arooche abhaato bhayo, akabhabhoorera akabhugha, “Abhaghëndi bhaane abhaato bha Isiraeri, ngwake ghakobharoghoori ghayo? Kana ndighi moghotoomeri amiisho nköra n‑gho changuru chiito, hande obhutööbhiyu bhwito nibho bhomuköriri omooto uno atore ghughënda?

Abhagharatiya 6:12

Abhaato bhano bhakobhahaamereri inyu musaaru, mbakwënda hangʼu kubha, bhasooku na Abhayahuuti. Mbakwënda bhataacha kunyaakibhu gho ghiri e kuraghani angʼana ighoro e roko ro Kirisito mo‑musarabha.

Abheebhuraaniya 11:26

Musa ꞉naarooche ghotoku gho ghiri e Kirisito nkoonyi no obhwame ghokera kubhöna agharinga yoose e mo‑se e Miisiri. ꞉Naaköriri hangʼu gho kubha naare ariitëngʼëra atuho ino Eryobha rekomuha chaasiko chino chekuucha.

Abheebhuraaniya 2:1

Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

2 Yohana 1:8

Ibheere mwichonge inyu bheene, kubha motaacha kobhori emeremo ghino muköriri ambërë e Ryobha, amare mubhönë atuho e hëënë.