Mataayo 5:9 - Eriiraghano Eriihë

⁹ Ngʼoni bhano bhaanyi abharwachi, gho kubha Eryobha ndekobhabherekera abhaana bhaache.

Mataayo 5:9 ပူးပေါင်းရင်းမြစ်များ

Mataayo 5:45

Mbe, hayo mookubha abhaana bha Taata waanyu uno anyi Mwishaaro, gho kubha iwe nahaarëngaari eryobha kwo bhaato abhahëënë na abhabhe. Wiiki, nahaatëëki ambura kwo bhaghöröröku haghirohamu na bhano bhaanyi na amasari.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Ruuka 20:36

Wiiki bhataaghotora ghoku, gho kubha mbaakubha kinya bhamarayika. Mbaakubha abhaana bha Ryobha, gho kubha mbaryokiibhu koru mo‑bhaku.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

Amaköri gha Bhatomu 7:26

“Atabhoori yaache, akabhabhöna Abhiisiraeri bhabhere bhararööna. Aghasaki kobhatëmëërani gho kobhabhoorera, ‘Bhamura, inyu m‑bhahiiri moonyi! Kana ngwake mokurööna?’

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abharuumi 8:14

Bhoose bhano bhaghukangatu na Akörö e Ryobha, bhayo nibho abhaana bha Ryobha.

Abharuumi 8:16

Akörö iyo ayeene nekuhëënëhi mo‑metema ghiito kubha, itu n‑abhaana bha Ryobha toonyi.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

1 Abhakorinto 6:6

Amare inyu, moonyi na atëëmö e ghusëmana inyu bheene kwo bheene mo‑mabharacha, koru mo‑bhateni bha kiina bhano bhataanyi abhakumi!

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhabhiribhi 4:2

ˆNekabhasasaama chwee Ewotiya na Sintike bhabhe no obhoghwani gho kubha bhoose mbakomutambana Omutëmi Yesu.

Abhakorosaayi 3:13

Moghumererani inyu bheene kwo bheene na kwabhërana. Aribha umu ghate yaanyu naanyi na angʼana kwo mughëndi, mokwëndëru mwabhërane kinya bhuno Omutëmi Yesu abhaabhiire inyu.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.